Россиянинг БМТдаги доимий вакили Василий Небензя БМТ Хавфсизлик кенгаши йиғилишида Запорожье атом электр станцияси ҳудудидаги вайронагарчиликлар акс этган суратларни намойиш этди. Москва уларни Хавфсизлик кенгаши ва БМТ Бош ассамблеясига тарқатди. Бу ҳақда «Коммерсантъ» нашри хабар бермоқда.
Мен сизга Запорожье АЭС ҳудудида Украина қуролли кучлари томонидан ўққа тутилиши натижасида вайроналар фотосуратини кўрсатмоқчиман. Бизда бундай фотографик далилларнинг бутун тўплами мавжуд. Бугун эрталаб биз уни Хавфсизлик кенгаши ва БМТ Бош ассамблеясининг расмий ҳужжатлари сифатида тарқатдик», — дейди Небензя.Россия томонига кўра, атом электр станцияларида ядро хавфсизлиги билан боғлиқ вазият сўнгги икки ҳафта ичида «бундан ҳам ёмонлашган». Москва яқин орада МАGATЭ мутахассисларининг станцияга ташриф буюришини кутмоқда.
Россиянинг БМТдаги доимий вакили АЭС ҳудудидан Россия қўшинларини олиб чиқиб кетиш ва у ерда қуролсизлантирилган ҳудуд яратиш зарурлиги ҳақидаги масъулиятсиз баёнотлар берган. Унинг фикрича, буни айтганлар АЭС хавфсиз ишлаши учун шарт-шароитларни сақлаб қолиш зарурлигини ҳисобга олмайди.
Небензянинг қайд этишича, АЭСни назорат қилувчи Россия қуролли кучлари у ерга оғир қуролларни жойлаштирмайди ва станциядан «ҳарбий мақсадларда» фойдаланмайди.
Март ойи бошида Запорожье АЭС тўлиқ Россия ҳарбийлари назоратига ўтган эди. Август ойида эса Москва ва Киев мунтазам равишда бир-бирини ҳудудни ўққа тутишда айблади. Ҳозирда МАGATЭ мутахассисларининг станцияга ташрифи мувофиқлаштирилмоқда.
Изоҳ (0)