Португалиядаги қурғоқчилик дон, олма ва картошка ҳосилини 30 фоизга қисқартириши айтилмоқда. Бу ҳақда EastFruit хабар берди
Помидор ва гуручни ҳисобга олмаганда, 2022 йилги мавсумда Португалияда ҳосилдорлик пасайиши узоқ давом этган қурғоқчилик туфайли кутилганидан ҳам ошиб кетди.
Португалияликлар мева-сабзавотларнинг қиммат нархларига тайёргарлик кўришига тўғри келмоқда.
Мамлакат Миллий статистика институти (INE) маълумотларига кўра, олма ҳосили 15 фоизга, нок ҳосили 30 фоиз, шафтоли ҳосили 25 фоиз, узум ҳосили 10 фоизга қисқариши кутилмоқда.
Юқори ҳарорат меваларни ўсишдан тўхтатди, шунинг учун уларнинг ўлчами одатдагидан анча кам, бу лалми боғларда кўпроқ намоён бўлмоқда.
Суғориладиган боғларда ҳам сув ресурслари кам бўлганлиги сабаб, зарур частота ва ресурслар билан суғориш имкони бўлмаган.
40 даражадан юқори ҳарорат ҳар қандай ҳосил учун жиддиз зарар. Ўсимликларни офтобдан сақлайдиган соябон йўқ. Шу боис, ноклар қуриб, узумлар майизга айланиб қолди, лимон дарахти мевалари эса тўкилиб тушди. Суғориш борасидаги чеклов ҳам ўз таъсирини кўрсатмай қолмади, ваҳоланки, одамлар сувсиз ҳаёт йўқлигини тушунишлари керак эди.
Агар экологлар ва сиёсатчилар қишлоқ хўжалигида сув истеъмолини камайтириш бўйича қўшимча чора-тадбирларни амалга оширса, менинг уларга бир саволим бор — эртага нимани истеъмол қилмоқчисиз?!
Барча озиқ-овқатни сув мавжуд бўлган бошқа мамлакатлардан импорт қилмоқчимисиз?, — дейди Португалия фермерлар конфедерация бош котиби Луис Мира.Аввалроқ Жазирама сабаб жаҳон бозорида пахта нархи кескин кўтарилгани ҳақида хабар берилган эди
Изоҳ (0)