2022-yilning 9-avgust kuni “Mehr va Oqibat” Telegram-kanali Olmaliqda hayvonlarga nisbatan navbatdagi g‘ayriinsoniy harakatlar haqidagi ma’lumotni e’lon qildi.
Videoda itni ushlagan xizmatchilar uni sim bilan o‘rab, turli yo‘nalishlarga tortib sudragan. Bularning barchasi bolalarning ko‘z o‘ngida, o‘yin maydonchasi qarshisida joylashgan turar joy binosi derazalari ostida sodir bo‘lgan.
Bu harakatlarga qarshi bo‘lgan aholi jonivorni himoya qilgan. Shuningdek, aholi hayvonlarga nisbatan shafqatsizligi bilan tanilgan, ustidan bir necha bor shikoyat qilingan Bobur ismli tutuvchi ustidan ham jamoaviy ariza bilan murojaat qilgan.
Arizachilardan biri fuqaro K.A.ning aytishicha, Olmaliq sudi sudyasi sud majlisida unga BHMning 2 barobari miqdorida jarima solishga qaror qilgan.
Itga qarshi noinsoniy hatti-xarakat qilganlarni qo‘llab-quvvatlagan yigitga esa xuddi shu sudya o‘n besh sutkaga ma’muriy qamoqqa olish jazosini tayinlagan.
“Mehr va Oqibat” rahbariyati huquq-tartibot idoralaridan hayvonlarga nisbatan shafqatsiz munosabatda bo‘lgani uchun hayvon tutuvchi xodimlarga nisbatan chora ko‘rishni so‘ragan.
Izoh (0)