2022 йилнинг 9 август куни «Меҳр ва Оқибат» Telegram-канали Олмалиқда ҳайвонларга нисбатан навбатдаги ғайриинсоний ҳаракатлар ҳақидаги маълумотни эълон қилди.
Видеода итни ушлаган хизматчилар уни сим билан ўраб, турли йўналишларга тортиб судраган. Буларнинг барчаси болаларнинг кўз ўнгида, ўйин майдончаси қаршисида жойлашган турар жой биноси деразалари остида содир бўлган.
Бу ҳаракатларга қарши бўлган аҳоли жониворни ҳимоя қилган. Шунингдек, аҳоли ҳайвонларга нисбатан шафқатсизлиги билан танилган, устидан бир неча бор шикоят қилинган Бобур исмли тутувчи устидан ҳам жамоавий ариза билан мурожаат қилган.
Аризачилардан бири фуқаро К.А.нинг айтишича, Олмалиқ суди судьяси суд мажлисида унга БҲМнинг 2 баробари миқдорида жарима солишга қарор қилган.
Итга қарши ноинсоний ҳатти-харакат қилганларни қўллаб-қувватлаган йигитга эса худди шу судья ўн беш суткага маъмурий қамоққа олиш жазосини тайинлаган.
«Меҳр ва Оқибат» раҳбарияти ҳуқуқ-тартибот идораларидан ҳайвонларга нисбатан шафқатсиз муносабатда бўлгани учун ҳайвон тутувчи ходимларга нисбатан чора кўришни сўраган.
Изоҳ (0)