Aktyor, rejissor, shoumen Jahongir Xo‘jayev “Daryo” internet-nashriga eksklyuziv intervyu berdi. Intervyuni “Daryo” muxbiri Feruz Muhammad tashkillashtirdi.
Jahongir Xo‘jayev suhbat davomida shov-shuvli to‘yiga qancha pul ketgani, xotini Asal undan pul so‘ramay, hattoki Tracker’ni ham o‘z puliga sotib olgani haqida gapirdi.
Asal familiyamga o‘tgan, lekin ishonasizmi, hali pasport stolga borishga vaqt bo‘lmayapti. Uning uchun pasport stolga borib, ikkalamiz hujjat topshirishimiz kerak ekan. “Familiyamga o‘tasanmi?”, desam ha, degan, “o‘zingga yaxshi-ku, Asal Xo‘jayeva bo‘lib yurasan”, deganman.Ma’lumot uchun, Jahongir Xo‘jayev 1995-yil 22-avgust kuni Toshkent shahrida dunyoga kelgan. O‘zbekiston davlat san’at va madaniyat institutida tahsil olgan. “Aristokratlar” kulgi jamoasining sardori, “Real xit” ko‘rsatuvi boshlovchisi. Rejissor sifatida “Payg‘ambar oshig‘i Hasan” qisqa metrajli filmini suratga olgan.Ayolim mendan pul olmaydi. Yaqinda juda ham qiziq holat bo‘ldi. “Jahon aka, 100 dollarga so‘mingiz bormi”, deb 100 dollarni olib kelmoqda. “Mana olavering, bu ham sizning pulingiz”, desam, “yo‘q, unaqasi bo‘lmaydi”, deydi. “Voy, jinnimisiz, biz bir oilamiz, ertaga pulingiz tugab qolsa, baribir mendan olasiz”, desam, yo‘q, deb, dollarni qo‘yib, o‘rniga so‘mni olibdi.
Asal shunaqa, hamma narsaga o‘zi harakat qilib, o‘z kuchi bilan qilishni xohlaydi. Tracker mashinasini ham to‘ydan avval o‘z puliga sotib olgan. Chetga chiqqanimizda ham o‘zini oldiga pul olib boradi. “Mana, men o‘zim olib beraman”, desam ham, yo‘q, deb turib oladi.
To‘yimga juda ko‘p pul ketdi. Qancha ketganini aniq ayta olmayman. To‘yimni kichkina qilib ham o‘tkazar edim. Odamlarning bu boradagi fikri men uchun qiziq emas. Lekin men katta o‘g‘ilman, ota-onamni ko‘pchilik taniydi, to‘yimizga ko‘pchilik kelishi aniq edi. Ota-onamning orzu-havasi sabab katta to‘y qildik. Lekin mendan keyingi ukalarimga va do‘stlarimga to‘yni tez-tez, kichkina qilib bo‘lsa ham, o‘tkazishlarini maslahat beraman. Chunki siz qancha katta to‘y qilsangiz ham, birov sizga rahmat demaydi.
To‘y xarajatlarini imkon qadar ota-onamga qiyinchilik tug‘dirmasdan, o‘z hisobimdan o‘tkazishni niyat qilgandim. Shu niyatimga yetdim. Topgan pulimni ayamga berardim. O‘zimizning pul berkitadigan joyimiz bor, o‘sha yerga qo‘yardik. O‘zimga pul kerak bo‘lib qolsa ham, ayamdan so‘rab olardim.
Jahongir Xo‘jayev, aktyor, shoumen, rejissor
Izoh (0)