Mashhur turk aktyor va aktrisalari — Jemre Baysal, Aytach Shashmaz, Asli Enver, Chengiz Joshkun, O‘zge Gurel, Serkan Chayo‘g‘lu muxlislarini qiziqtirishi aniq bo‘lgan yangiliklar haqida ma’lumot beramiz.
O‘tgan yilgi “Omad uchun o‘yin”da birga suratga tushgach, uchrashishni boshlagan Jemre Baysel va Aytach Shashmaz o‘z muxlislarini yangi suratlari bilan tinmay xursand qilishmoqda.
Aktyor sevgiga bo‘lgan munosabati haqida shunday deydi: “Bir insonni tanib, u bilan vaqt o‘tkazganing sari u sen uchun qadrli yoki qadrli emasligini tushunasan... Sevgi menga shunday tuyuladi — energiyalar to‘qnashuvi va birlashish. Bu mutlaqo qarama-qarshi qutblar emas, balki yaratish, birlashtirish va shundayligicha qabul qilish kabi narsadir”.
*********************************************************************************************
“Eshigimni qoq” serialida birga suratga tushgandan so‘ng uchrashishni boshlagan Bashak Gumuljinelio‘g‘lu va Chag‘ri Jitanak yaqinda bir-birlari bilan oshiq juftlikni o‘ynaydigan filmda yana birga paydo bo‘ladi. Film nomi — “Imkonsiz”. Rejissor — Bahodir Chirako‘g‘lu. Suratga olish ishlari allaqachon boshlangan.
*********************************************************************************************
Turk matbuoti Mert Yazijio‘g‘luning sevgilisi Afra Saracho‘g‘li uni rashk qilmasligini aytgan so‘nggi intervyusini faol muhokama qilmoqda.
Ularning munosabatlarida rashkka o‘rin yo‘q. Yosh bo‘lishiga qaramay, aktyorlar uzoq vaqt birga ishlagan (Afre 24 yoshda, Mert 29 yoshda). Ular 2018-yilda bitta loyiha — “Yaxshi o‘yin” filmida birga rol o‘ynaganlaridan so‘ng uchrasha boshladilar. Shundan beri ularning munosabatlari rivojlandi. Ular qachon turmush qurishadi, degan savolga aktyor hamma narsaning o‘z vaqti bor, deb javob bergan.
*********************************************************************************************
O‘tgan haftada turk matbuoti Asli Enver va uning sevgilisi — tadbirkor Berkin Go‘kbudak o‘rtasidagi yangi munosabatlarni, hozirda esa hayratlanarli xabarni muhokama qilmoqda.
Juftlik turmush qurishga tayyorlanmoqda. Tez orada ular bir-birlarini oilalari bilan tanishtirishadi. Voqealarning bunday jadal rivojlanishi atrofdagilarni ajablantirmadi, chunki Berkin birinchi kunlardanoq qaror qilgan va qisqa tanishuvdan so‘ng nikoh haqida gapirgan. Asosiysi, bu jurnalistlarning navbatdagi shoshqaloq sensatsiyasi emas.
*********************************************************************************************
O‘zge Gurel va Serkan Chayo‘g‘li ikki marta to‘y qilishdi.
Birinchi nikoh marosimi 14-iyul kuni Serkanning ota-onasi istiqomat qiladigan Germaniyada bo‘lib o‘tdi. Ikkinchi to‘y esa 13-avgust kuni Veronadagi kichik qal’ada bo‘lib o‘tdi. Marosimda yaqin do‘stlar va qarindoshlar ishtirok etishdi.
*********************************************************************************************
“Tirilish: Ertug‘rul” seriali muxlislariga yaxshi tanish bo‘lgan 40 yoshli Chingiz Joshkun va uning sevgilisi Beatris 13-avgust kuni yaqinlari va do‘stlari davrasida turmush qurishdi. To‘yda turk kinosining ko‘plab yulduzlari, xususan, “Tirilish: Ertug‘rul” serialining aktyorlari ishtirok etdi.
Izoh (0)