Актёр, режиссёр, шоумен Жаҳонгир Хўжаев «Дарё» интернет-нашрига эксклюзив интервью берди. Интервьюни «Дарё» мухбири Феруз Муҳаммад ташкиллаштирди.
Жаҳонгир Хўжаев суҳбат давомида шов-шувли тўйига қанча пул кетгани, хотини Асал ундан пул сўрамай, ҳаттоки Tracker’ни ҳам ўз пулига сотиб олгани ҳақида гапирди.
Асал фамилиямга ўтган, лекин ишонасизми, ҳали паспорт столга боришга вақт бўлмаяпти. Унинг учун паспорт столга бориб, иккаламиз ҳужжат топширишимиз керак экан. «Фамилиямга ўтасанми?», десам ҳа, деган, «ўзингга яхши-ку, Асал Хўжаева бўлиб юрасан», деганман.Маълумот учун, Жаҳонгир Хўжаев 1995 йил 22 август куни Тошкент шаҳрида дунёга келган. Ўзбекистон давлат санъат ва маданият институтида таҳсил олган. «Аристократлар» кулги жамоасининг сардори, «Реал хит» кўрсатуви бошловчиси. Режиссёр сифатида «Пайғамбар ошиғи Ҳасан» қисқа метражли фильмини суратга олган.Аёлим мендан пул олмайди. Яқинда жуда ҳам қизиқ ҳолат бўлди. «Жаҳон ака, 100 долларга сўмингиз борми», деб 100 долларни олиб келмоқда. «Мана олаверинг, бу ҳам сизнинг пулингиз», десам, «йўқ, унақаси бўлмайди», дейди. «Вой, жиннимисиз, биз бир оиламиз, эртага пулингиз тугаб қолса, барибир мендан оласиз», десам, йўқ, деб, долларни қўйиб, ўрнига сўмни олибди.
Асал шунақа, ҳамма нарсага ўзи ҳаракат қилиб, ўз кучи билан қилишни хоҳлайди. Tracker машинасини ҳам тўйдан аввал ўз пулига сотиб олган. Четга чиққанимизда ҳам ўзини олдига пул олиб боради. «Мана, мен ўзим олиб бераман», десам ҳам, йўқ, деб туриб олади.
Тўйимга жуда кўп пул кетди. Қанча кетганини аниқ айта олмайман. Тўйимни кичкина қилиб ҳам ўтказар эдим. Одамларнинг бу борадаги фикри мен учун қизиқ эмас. Лекин мен катта ўғилман, ота-онамни кўпчилик танийди, тўйимизга кўпчилик келиши аниқ эди. Ота-онамнинг орзу-ҳаваси сабаб катта тўй қилдик. Лекин мендан кейинги укаларимга ва дўстларимга тўйни тез-тез, кичкина қилиб бўлса ҳам, ўтказишларини маслаҳат бераман. Чунки сиз қанча катта тўй қилсангиз ҳам, биров сизга раҳмат демайди.
Тўй харажатларини имкон қадар ота-онамга қийинчилик туғдирмасдан, ўз ҳисобимдан ўтказишни ният қилгандим. Шу ниятимга етдим. Топган пулимни аямга берардим. Ўзимизнинг пул беркитадиган жойимиз бор, ўша ерга қўярдик. Ўзимга пул керак бўлиб қолса ҳам, аямдан сўраб олардим.
Жаҳонгир Хўжаев, актёр, шоумен, режиссёр
Изоҳ (0)