Ayollar qalbini nafaqat kuchli xarizmasi, balki o‘tkir aqli bilan ham zabt etgan aktyor — Ben Afflek haqida 20 ta qiziqarli fakt (foto)

Bolaligidayoq Ben Afflek kinematografiya sohasida katta muvaffaqiyatlarga erishdi. Uning shaxsiy hayotini ham juda qiziqarli deb atash mumkin, chunki bir vaqtlar aktyor Gvinet Peltrou bilan uchrashgan, Jennifer Garnerga uylangan va hozir u Jennifer Lopes bilan baxtli hayot kechirmoqda. Ben Afflek nafaqat muvaffaqiyatli aktyor, balki juda jiddiy rejissor ham.

• Bo‘lajak “Oskar” sovrindorining onasi boshlang‘ich maktab o‘qituvchisi, otasi esa tirikchilik sabab avtomexanik, elektrchi va farrosh bo‘lib ishlagan yosh dramaturg edi. Ben 11 yoshga to‘lganda, ota-onasi ajrashishadi.
• 7 yoshida Afflek kitobsevar, iqtidorli beysbolchi va kelajakdagi aktyor edi. 1979-yilda u o‘zining debyut filmi bo‘lgan “Qorong‘i ko‘cha oxiri” filmida rol o‘ynaydi. Kartinada suratga tushgan 7 yoshli aktyor opasi rolini o‘ynagan 19 yoshli qizni sevib qoladi. Keyinchalik u “Mimining sayohati” teleko‘rsatuvi yulduziga aylanadi.

• Ben akasi Keysi va onasi bilan birgalikda tez-tez spektakllarga borardi va umuman olganda, oila doimo san’at olamidagi odamlar bilan hamfikr edi. Bolaligidayoq Ben uy filmlarini suratga olishni boshlaydi. Biroz vaqt o‘tgach, uning aktyorlik mahoratidan dars beruvchi o‘qituvchisi bo‘lajak aktyorni “juda aqlli va o‘ta qiziquvchan bola” deb ta’riflaydi. Keyinchalik bolakay reklamalarda suratga tusha boshlaydi. Onasi u o‘qituvchi bo‘ladi, deb umid qiladi, chunki u aktyorlikni bema’ni kasb deb hisoblardi.

• 13-14 yoshida u kattalar bilan bemalol suhbatlashardi. Ben onasini uning kollejda o‘qishi uchun yig‘gan jamg‘armalarini bankdan olishga ko‘ndiradi. U aktyor bo‘lishni orzu qilgan Mett Deymon bilan ayrilmas do‘st tutinadi. Ular hattoki birgalikdagi bank hisobiga ega bo‘lib, kastinglarga borish uchun poezd yoki samolyot chiptalariga pul yig‘ishardi.

• Bolaligidagi rollarni Afflek professional darajada o‘ynagan, biroq aktyor tan olganidek, kinoga “tasodifan” kirib kelgan. Kollejda o‘qib yurgan vaqtlarida ham Ben filmlarda rol o‘ynashni davom ettiradi, uning rollari “bir-biridan bema’ni” edi. 1995-yilda u “Mashhurlik jilosi” filmida birinchi marta bosh rolni o‘ynaydi.
• Bir muncha vaqt Afflek moliyaviy qiyinchiliklarni boshdan kechiradi va tez-tez Mett Deymonning uyidagi divanda tunab qolardi. Afflekning karyerasi “Takasaltanglar” (1995) filmi chiqqandan so‘ng keskin ko‘tariladi va “Emining ortidan” (1997) filmidagi roli uni tomoshabinlarga tanitdi.

• Haqiqiy mashhurlik unga “Dono Uill Hanting” (1997) filmi ekranlarga chiqqandan keyin keldi. Film ssenariysini 1992-yilda Mett Deymon Garvard universitetida drama kursi uchun yozgandi. Keyinchalik, ikki do‘st birgalikda ssenariy ustida ishlay boshladilar.
• Afflekning tan olishicha, bu ssenariyni yozishga u va Mett o‘zlari xohlagan rollarni ololmagani turtki bo‘lgan, shuning uchun ular o‘z filmlarini yaratishga qaror qilishgan. Aytgancha, ayrim epizodlar aktyorlarning haqiqiy hayotidan olingan. Masalan, film bosh qahramoni xuddi Benning otasi kabi nufuzli ta’lim muassasasida farrosh bo‘lib ishlagan. 25 yoshida Afflek “Eng yaxshi original ssenariy” uchun “Oskar”ni qo‘lga kiritadi va bu mukofotni qo‘lga kiritgan eng yosh odamga aylandi.

• Buning ortidan “Armageddon” filmida suratga olish boshlandi. Ben filmda suratga tushishidan oldin kartina prodyuseri Afflekdan ozishini, qorayishini va tishlarini to‘g‘rilashini talab qiladi. Ben hech bir muammosiz bunga rozi bo‘ladi. Aytgancha, bu aktyorning farzandlari keyinroq tomosha qilgan yagona lenta. U tijorat sohasida ham muvaffaqiyat qozonadi.

• 1997-yildan 1999-yilgacha Afflek Gvinet Peltrou bilan ishqiy munosabatda bo‘ladi. Keyinchalik ular munosabatlarini tikladilar, lekin yana ajralishdi. Aytgancha, ajrashganidan ko‘p yillar o‘tgach, aktrisa ular yaxshi do‘st bo‘lib qolishlarini va Afflek 45 yoshgacha u uchratganlari ichida eng aqlli odam ekanligini alohida ta’kidlaydi.

• 2003-yilda aktyor “Baloyi azim” filmida rol o‘ynaydi, bu film tanqidchilarning nomaqbul baholariga sazovor bo‘ldi va Afflekning o‘zi bu uning filmografiyasida afsuslangan yagona lenta ekanligini aytadi. Ammo “Baloyi azim” filmining suratga olish maydonchasida u Jennifer Garner bilan do‘stlashadi va 2005-yilda ular turmush quradi.
• Bu nikohdan ularning 3 nafar farzandi bor edi. 12 yillik turmushdan keyin aktyorlar ajrashish uchun ariza berishadi. Keyinchalik, Afflek bu ajralish “uning hayotidagi eng katta og‘riq” ekanligini aytadi va u hech qachon ajralish haqida o‘ylamaganligini ta’kidlaydi.

• 2001-yil oxirida Ben Jennifer Lopes bilan tanishadi, ular dastlab do‘stona munosabatda edi. Oradan bir yil o‘tgach qo‘shiqchi o‘sha paytdagi eri Kris Juddan ajrashish uchun ariza bergach, Ben bilan munosabatlari boshlanadi.
• Tabloidlar bu juftlikka darhol Bennifer deb nom beradi. Lopes ham sevgilisi ilhomlantirilgan va unga bag‘ishlangan va “Bu men ... Keyin” albomini chiqaradi. Ular keyinroq unashtiriladi va 10 oydan keyin “OAVning haddan tashqari e’tibori tufayli” unashtiruv bekor qilinadi. 2004-yilning boshida juftlik munosabatlariga nuqta qo‘yadi, ammo ularning hikoyasi shu bilan tugamaydi.

• Ben Afflek 2007-yilda rejissor sifatida debyut qiladi. U “Alvido, qizaloq, xayr” filmini yaratadi, kartina tanqidchilarning ijobiy baholariga sazovor bo‘ladi, biroq uning keyingi filmi “O‘g‘rilar shahri” (2010) kabi mashhur bo‘lmaydi. Katta kassa to‘plagan ushbu film chiqqandan so‘ng, tanqidchilar Benni jiddiy rejissor deb atay boshlaydilar.

• 2012-yilda Afflekning “Argo operatsiyasi” filmi ekranlarga chiqadi. Jurnalistlar bu kartinani 2012-yilning eng yaxshi filmlaridan biri deb atashadi va Afflekning rejissorlik faoliyatiga jiddiy qaary boshlaydilar. Kartinaning katta tijoriy muvaffaqiyatga erishishadi — u “Eng yaxshi film”, “Eng yaxshi moslashtirilgan ssenariy” va “Eng yaxshi montaj” nominatsiyalarida “Oskar” va bir qancha kinematografiya mukofotlarini qo‘lga kiritadi. Aytgancha, butun faoliyati davomida Afflek ikki marta “Oskar” mukofotiga nomzod bo‘lgan va ikki marta mukofot olgan.

• Sog‘lig‘i bilan bog‘liq muammolar tufayli aktyor qisqa muddatga kino olamidan ketdi va 2019-yilda qaytib keldi. Keyinchalik u tanqidchilar tomonidan yomon baholangan bir nechta filmlarda rol o‘ynadi, masalan, “U xohlagan oxirgi narsa” filmi kabi. O‘sha paytda tanqidchilar Afflekka charchagan va hissiyotsiz deb ta’rif berishgan.
• 2020-yilda u “Tashqarida” filmida bosh rolni o‘ynadi. Aktyorning bu ishi tomoshabinlar olqishiga sazovor bo‘ldi. Keyinchalik “So‘nggi duel” (2021) filmi chiqdi, uning ssenariysi Afflek, Deymon va Nikol Xolofsener tomonidan yozilgan. Bir tanqidchi ta’kidlaganidek, u o‘zi uchun eng qiziqarli personajni yarata oldi.

• Afflek va Lopesning munosabatlariga nuqta qo‘yilganiga qaramay, juftlik omma oldida muloqot qilishda davom etishdi va bir-birlari haqida juda iliq gapirishdi. Lopes bilan ajrashganidan bir necha yil o‘tgach, Afflek ular bir-birlarini sevib xato qilishganini aytdi.
• Ammo, aftidan, yillar o‘tib, u fikrini o‘zgartirdi, chunki 2021-yilda ularning munosabatlari tiklandi. Ayrimlarning aytishicha, ular o‘rtasida g‘ayrioddiy “kimyo” bor edi. To‘ydan bir kun oldin uni tark etishga qaror qilganidan 19 yil o‘tgach, sevishganlar vanihoyat turmush qurdi.

• Shu bilan birga, Afflekning aktyorlik karyerasi o‘sishda davom etdi. 2021-yil oxirida Jorj Kluni rejissorligidagi Ben asosiy rollardan birini ijro etgan “Nafis bar” filmi ekranlarga chiqdi. Kluni o‘z tanlovini bu aktyorni juda aqlli deb bilishi bilan izohladi. Jurnalistlardan biri hatto Afflekni “shu rol uchun tug‘ilgan” deb aytdi.
• 2022-yilda Ben o‘zining rejissor sifatidagi 5-filmini suratga olishni boshladi. Film ssenariysini Mett Deymon bilan hamkorlikda yozgan. 2023-yilda esa aktyor “Flesh” filmidagi superqahramon Betmen rolida yana ekranlarga qaytadi.