Samarqand viloyati Narpay tumanida yashovchi 17 yoshli yigit fuqarolarning bank kartalaridan firibgarlik yo‘li orqali pul yechib olgani aniqlandi. Bu haqda Ichki ishlar vazirligi Kiberxavfsizlik markazi ma’lum qildi.
Xabarga ko‘ra, Surxondaryo viloyati Bandixon tumanida yashovchi fuqaro A.Y. ariza bilan murojaat qilib, arizasida Telegram messenjeri orqali “Texnomart aksiya” nomli profil egasi Samsung A-72 telefon apparatini yutib oldingiz deb, firibgarlik yo‘li bilan bank kartasida bo‘lgan jami 1,5 million so‘m miqdoridagi pullarini yechib olganini bildirgan.
Olib borilgan tezkor-qidiruv tadbirlari natijasida A.Y. ismli fuqaroning bank kartasidan firibgarlik yo‘li bilan pullarni yechib olgan shaxs Samarqand viloyati Narpay tumanida yashovchi, voyaga yetmagan — 2005-yilda tug‘ilgan S.U ekani aniqlandi.
Surishtiruv ishlari davomida S.U. ismli shaxs bundan tashqari yana 27 nafar fuqaroning bank kartasidagi pul mablag‘larini o‘zlashtirib olgani ma’lum bo‘ldi. Ushbu fuqaroga nisbatan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari olib borildi.
Izoh (0)