O‘zbekistonda 2022-yilning yanvar—iyul oylarida korxonalar tomonidan 293 trln so‘mlik sanoat mahsulotlari ishlab chiqarilgan. Bu haqda Davlat statistika qo‘mitasidan ma’lum bo‘ldi.
Joriy yilda sanoat ishlab chiqarishining fizik hajm indeksi 2021-yilning yanvar—iyun oyiga nisbatan 105,5 foizni tashkil etdi.
Yil boshidan beri aholi jon boshiga sanoat mahsulotlari ishlab chiqarishining taqsimlanishi, yirik sanoat korxonalari joylashganligi hisobiga Navoiy viloyatida ancha yuqori bo‘lib qolmoqda — 47 mln so‘m.
Yanvar—iyun oylarida bu ko‘rsatkich 40 mln so‘m bo‘lgan bo‘lsa, 2022-yilning ilk besh oyida 33 mln so‘m edi. Viloyatda o‘sish barqaror ravishda sodir bo‘lmoqda.
Toshkent shahri bu borada 19,4 mln so‘m ko‘rsatkich bilan ikkinchi bo‘lgan bo‘lsa, Toshkent viloyati uchinchi o‘rinni egalladi — 17,4 mln so‘m.
O‘zbekiston bo‘yicha aholi jon boshiga sanoat mahsulotlari ishlab chiqarishning o‘rtacha ko‘rsatkichi 8,3 mln so‘mni tashkil qilmoqda.
Bu borada eng past ko‘rsatkich Surxondaryoga tegishli bo‘lib qolmoqda — 1,3 mln so‘m.
Avvalroq O‘zbekistonda so‘nggi besh yilda tadbirkorlar faoliyati baholangan edi.
Izoh (0)