Ўзбекистон банкларида коррупция ва фирибгарликка қарши курашиш самарали тизими мавжуд. Молиявий муассасаларда хавфсизлик бўйича олиб борилган ишларнинг натижаларини сўнгги ҳолатларда кузатиш мумкин, деб хабар бермоқда ИИВ Киберхавфсизлик маркази.
Маълум қилинишича, 16 август куни банклардан бирининг махсус ботига бир мижоз мурожаат қилиб, унинг пластик картасидан 8 080 000 сўм миқдорида маблағ ечиб олинганини айтган. Ушбу ҳолат юзасидан номаълум шахсга нисбатан Жиноят кодексининг 169-моддаси билан жиноят иши қўзғатилган. Ўша куннинг ўзидаёқ банк хавфсизлик хизмати ходимлар ўртасида тергов ўтказилиб ва жиноятни 2001 йилда туғилган Call-марказ ходими К.Д. содир этгани аниқланган.
Маълум бўлишича, ҳуқуқбузар молия муассасасига мурожаат қилган мижозларнинг мурожаатларини ўрганиб чиқиб Telegram’да техник ёрдам кўрсатувчи сифатида профил очган, сўнгра муаммо борлигини таъкидлаб мижознинг ўзидан смс код, картанинг махфий кодини олган ва маблағларни ўғирлаган.
«Мижозларнинг пластик карталаридан пул йўқотиш ҳолатлари келиб чиққанда, банк хавфсизлиги ходимлари пул тушган жойларни аниқлашда ва фирибгарларни топишда ёрдам беришга тайёр. Шу билан бирга, коррупция ва фирибгарлик билан боғлиқ барча жиноий ишлар тергов қилиш учун ўз вақтида ички ишлар органларига топширилади. Банк карталаридан пул ечиб олиш билан боғлиқ ҳолатлар фақатгина мижознинг ўзи фирибгарларга шахсий маълумотларни берганда юз бериши мумкин.
Сиздан шахсий маълумотларингизни, SMS хабар кодлари, код сўзи ва бошқа махфий маълумотларни бегона шахсларга бермаслигингизни сўраб қоламиз», — дейилади хабарда.
Мавзуга доир:
- Сурхондарёда банк ходимлари фуқаронинг картасидан қарийб 50 млн сўмни ечиб олгани аниқланди
- Андижонда банк ходимлари банкоматларга жойлаштириш учун ажратилган 111 млн сўмни ўзлаштиргани аниқланди
- Қашқадарёда банк ходимлари 150 нафар фуқаронинг пенсия ва нафақа пулларини талон-торож қилгани аниқланди
Изоҳ (0)