Ўзбекистонда 2022 йилнинг 1 август ҳолатига кўра, муомаладаги банк карталари сони 30,3 миллионтага етган. Бу ҳақда Марказий банк маълумотларидан маълум бўлди.
Июнь ойида карталар сони 351 мингтага кўпайган. Йил бошидан бери 3,2 млн дона банк картаси муомалага киритилган.
Банклар ва тўлов ташкилотлари томонидан ўрнатилган банкомат ва инфокиосклар сони 18,5 мингтани ташкил этган.
Июль ойида тўлов терминаллари орқали тушган тушумлар 14,9 трлн сўм бўлган. Бу кўрсаткич йил бошидан бери 88,5 трлн сўмдан кўпроқни ташкил қилмоқда.
Муомалага карталар чиқариш бўйича банклар орасида қарийб 6 млн кўрсаткич билан «Халқ банки» етакчилик қилмоқда.
Иккинчи ўринни 3,6 млн банк картаси билан «Агробанк» эгаллаган бўлса, қарийб 3 млн кўрсаткич билан «Ипотека банк» учинчи бўлди.
Банкомат ва инфокиосклар ўрнатиш бўйича эса «Агробанк» биринчиликда бормоқда — 2 051 та.
«Капиталбанк» (1 915 та) бу бўйича иккинчи ўринни, «Халқ банки» (1 553 та) эса учинчи ўринни эгаллаган.
Изоҳ (0)