Qashqadaryo viloyatining Shahrisabz shahridagi tug‘ruqxonada endigina tug‘ilgan chaqaloq vafot etdi. Bu haqda viloyat prokuraturasi xabar berdi.
Ma’lum bo‘lishicha, Shahrisabz shahar tibbiyot birlashmasiga qarashli tug‘ruq bo‘limida 2022-yilning 5-avgust kuni tug‘ilgan go‘dak 7-avgust kuni vafot etgan.
Holat yuzasidan shahar prokuraturasi tomonidan tergovga qadar tekshiruv harakatlari olib borilmoqda.
“O‘sha kunning o‘zida ish bo‘yicha sudga oid tibbiy ekspertizasi hamda tibbiyot birlashmasi xodimlarining harakatlari yuzasidan xizmat tekshiruvi tayinlangan.Tekshiruv viloyat prokuraturasi tomonidan nazoratga olingan”, — deyiladi viloyat prokuraturasi axborotida.
Izoh (0)