Olmazor tumanida kuchli ta’sir qiluvchi dori vositalarining muomalaga kiritilishining oldi olindi.
Bosh prokuratura huzuridagi departamentning Olmazor tuman bo‘limi tomonidan DXX va IIB xodimlari bilan hamkorlikda tezkor tadbir o‘tkazilgan.
Unda, fuqaro M.A. o‘zining tanishi “E.F.” MCHJ dorixonasi farmatsevti G.I.dan 14 dona “Regopen” va 1 dona “Tropikamid” nomli kuchli ta’sir qiluvchi dori vositalarini 590 ming so‘mga olib, fuqaro A.ga 760 ming so‘mga sotgan vaqtida ushlanib, ushbu dorixonadan yana 150 dona “Regopen” va 11 dona “Tropikamid” nomli dori vositalari ashyoviy dalil sifatida olingan.
Mazkur holat yuzasidan Jinoyat kodeksining 186-3-moddasi (tarkibida kuchli ta’sir qiluvchi moddalar mavjud bo‘lgan dori vositalarini retsept bo‘yicha chakana realizatsiya qilish tartibini buzish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)