Shavkat Mirziyoyev bosh vazirning birinchi o‘rinbosari Ochilboy Ramatovni “Mehnat shuhrati” ordeni bilan mukofotladi. Bu haqda prezident matbuot xizmati xabar berdi.
Ta’kidlanishicha, Ramatov davlat idoralaridagi ko‘p yillik samarali mehnati, mamlakat mustaqilligini mustahkamlash, uning iqtisodiy qudratini yuksaltirish, keng ko‘lamli islohotlarni, yirik bunyodkorlik loyihalarini muvaffaqiyatli amalga oshirish, hududlarni kompleks rivojlantirish borasidagi ulkan xizmatlari, tashabbuskorlik va tashkilotchilik fazilatlari bilan vatan taraqqiyoti va xalq farovonligini oshirishga qo‘shayotgan katta hissasi, yuqori malakali kadrlarni tayyorlash yo‘lidagi ibratli faoliyati hamda tavalludining 60 yilligi munosabati bilan ushbu orden bilan mukofotlandi.
Ma’lumot uchun, Ramatov 1962-yil 20-avgustda Xorazm viloyatining Shovot tumanida tug‘ilgan. Millati — o‘zbek. 1984-yildan 1988-yilgacha Toshkent temiryo‘l muhandislari institutida tahsil olgan.
Izoh (0)