2022-yil 19-avgust kuni O‘zbekiston Oliy Majlisi Senati raisi birinchi o‘rinbosari Sodiq Safoyevning mamlakatga tashrif buyurgan Koreya milliy assambleyasi Qurilish va transport masalalari qo‘mitasi raisi Kim Du Gvan boshchiligidagi delegatsiya a’zolari bilan uchrashuvi bo‘lib o‘tdi.
Uchrashuvda O‘zbekiston va Koreya o‘rtasidagi hamkorlikning bugungi holati va istiqbollari, xususan, parlamentlararo aloqalarni mustahkamlash masalalari muhokama qilindi.
Suhbat davomida qurilish sohasidagi hamkorlikni rivojlantirish masalalariga ham e’tibor qaratildi. Xususan, bu boradagi yangi qo‘shma loyihalar hamda respublikadagi shaharlar infratuzilmasini takomillashtirish masalalari bo‘yicha o‘zaro fikr almashildi.
Uchrashuvda ikki mamlakat o‘rtasidagi parlamentlararo aloqalarni yanada kengaytirish O‘zbekiston va Koreya o‘rtasidagi o‘zaro manfaatli hamkorlikni mustahkamlash maqsadlariga xizmat qilishi ta’kidlandi.
Izoh (0)