Бундай аксессуарнинг сохта нусхаси учун ҳам яхшигина пул тўлашингиз керак бўлади ва баъзи моделларни эса сохталаштиришнинг имкони йўқ.
Энг машҳур сумка бу — Hermès Birkin Bag. Унинг нархи 20 минг доллардан чексизгача ўзгариб туради — барчаси мижознинг ушбу мода аксессуари учун қанча тўлашга тайёрлигига боғлиқ. Ушбу моделнинг энг иштиёқманд мухлиси Виктория Бекхемдир. Унда қимматбаҳо сумкалар тўплами мавжуд бўлиб, унинг нархи экспертлар томонидан 3 миллион долларга баҳоланган ва Hermès Birkin эса улар ичида асосий ўринни эгаллайди.
Маълумки, Виктория арсеналида тахминан 80 минг доллар турадиган Hermes Himalaya Matte Crocodile Birkin эксклюзив модели мавжуд. У Ҳималай тимсоҳининг терисидан, сумка илгаги эса палладийдан ишланган.
Худди Birkin сумкаси сингари Лана Маркс клатчлари ҳам буюртма асосида ишлаб чиқарилади. Агар Hermès йилига 20 га яқин сумка чиқарса, бу бренд йилига бир нусхада Cleopatra Clutch билан чекланган.
Ушбу ҳашаматли аксессуар 2007 йилда актриса Хелен Миррен уни «Оскар»нинг қизил гиламида имижига қўшганида кенг оммалашди. Кейинчалик эса глобал иқтисодий инқироз даврида юлдуз ноўрин исрофгарчилик учун қораланди, чунки бу клатчнинг нархи 250 минг долларга баҳоланган.
Хелендан кейин бошқа Голливуд юлдузлари ўзларига бу ҳашаматга рухсат беришни бошладилар — Шарлиз Терон, Анжелина Жоли, Ли БинБин. Ҳар бир Cleopatra Clutch алоҳида шахс учун ишлаб чиқилади ва энг арзон версияси тахминан 100 000 доллар туради.
Кундалик сумкаларга қайтадиган бўлсак, юлдузларнинг энг севимли сумкаларидан бири Ralph Lauren Ricky’ни эслаб ўтмасак бўлмайди, кутюре уни рафиқаси Рики Лорен номи билан атаган. Ушбу модель ковбой эгарига ўхшайди ва замоги ялтироқ ҳинд туморига ўхшайди. Бугунги кунга келиб, классик Ralph Lauren Ricky модели ва қисқартирилган Soft Ricky сумкаси мавжуд.
Сумкалар турли хил материаллардан тайёрланади, шунга қараб буюмнинг нархи ўзгаради. Мисол учун, Америка аллигатори терисидан тайёрланган моделнинг нархи 15 минг доллар атрофида. Турли хил рангдаги бир нечта моделлар Кети Холмс, Жессика Альба, Кейт Мосснинг арсеналидан жой олган.
Агар Виктория Бекхем сумкалар тўпламининг асоси Гермес Birkin бўлса, бошқа мода ишқибози Сара Жессика Паркер том маънода Fendi Baguette брендининг мухлиси ҳисобланади. Айнан Жессика Паркер қаҳрамони Керри Бредшоу бу сумкаларни кўз-кўз қила бошлаганидан кейин модель атрофида ҳақиқий шов-шув бошланди.
Fendi Baget 20 йил олдин ишлаб чиқилган ва бугунги кунда унинг ҳар хил нархдаги минглаб турлари мавжуд. Паркернинг ўзи, унинг арсеналида барча модификацияларнинг деярли ярми борлигини айтади. Fendi уйи сумкаларининг оммалашгани учун миннатдор бўлиб, актрисага ўзининг энг қиммат моделларини тақдим этади.
Изоҳ (0)