Сурхондарё вилояти Денов туманида фирибгарлик содир этган фуқарога нисбатан жиноят иши қўзғатилди. Бу ҳақда вилоят Ички ишлар бошқармаси хабар қилди.
Қайд этилишича, Олтинсой туманида яшовчи С.С. 2021 йил май ойида туманнинг «Жаматак» маҳалласи ҳудудида шу маҳаллада яшовчи таниши Ш.М.нинг ишончига кириб, вилоят ҳокимиятида ишловчи тоғаси орқали туманнинг «Янги деҳқон бозори» ҳудудидан савдо дўкони қуриш учун 10 сотих ер майдони ажратиб беришни ва «ТТЗ-80» тракторини олиб беришни ваъда қилган.
У 7300 долларни олиб, ушбу пулларни ўзлаштириб кетган.
Бундан ташқари, С.С. Денов туманида яшовчи Н.Д.нинг ишончига кириб, Олтинсой ёки Денов тумани тез тиббий ёрдам бўлимига ҳайдовчиликка ишга киритишни ваъда қилган. У 2021 йил май ойида туман ҳудудида 1400 доллар олиб, ўзлаштириб кетган.
8 август куни С.С.га нисбатан Жиноят кодексининг 168-моддаси (фирибгарлик) 3-қисми «б» банди билан жиноят иш қўзғатилган.
Изоҳ (0)