“ArMI—2022” xalqaro armiya o‘yinlari doirasida Rossiya hamda Mo‘g‘ulistonda o‘tkazilgan “Harbiy ralli” musobaqasi yakuniga yetdi. Bu haqda Mudofaa vazirligi xabar qildi.
Qayd etilishicha, jangovar vaziyatlarda to‘g‘ri va aniq harakatlanish ko‘nikmasini oshiradigan, harbiy xizmatchilarning haydovchilik mahoratini sinovdan o‘tkazadigan “Harbiy ralli” musobaqasida O‘zbekiston jamoasi bu yil beshinchi bor qatnashgan.
Jamoa 12-avgust kuni Mug‘ulistonning Ulaangom viloyatida musobaqada qatnashadigan harbiy texnikalarda yetib borgan va mashg‘ulot jarayonlarida tayyorgarlik ko‘rgan. Bugungi kungacha jami to‘rtta — “Yakka tartibdagi poyga”, “Ta’qib qilish bilan poyga”, “Otish” hamda “Jamoaviy poyga” shartlarini o‘z ichiga olgan musobaqada o‘zbekistonlik harbiylar ishtirok etib, ikkinchi o‘rinni qo‘lga kiritgan.
Musobaqa birinchiligini mezbon davlat Rossiya qo‘lga kiritgan. Belarus va Mo‘g‘uliston shohsupaning uchinchi pog‘onasini band etgan.
Izoh (0)