Rossiyadan avtobus orqali poytaxtga qurollangan holda kelayotgan kishi Toshkent viloyatida to‘xtatib qolindi. Bu haqda Toshkent viloyati bojxona boshqarmasi xabar bermoqda.
“G‘ishtko‘prik” chegara bojxona postiga Sankt-Peterburg—Toshkent avtobusida yo‘lovchi sifatida kirib kelgan fuqaroning qo‘l yuklari belgilangan tartibda bojxona nazoratidan o‘tkazilganida, yo‘lovchining qo‘l yuklari orasida 1 dona “Vintovka Yunker-3” nomli pnevmatik qurol maxsus idishda joylangan o‘qlari va 21 dona gaz balonlari aniqlandi.
Hozirda ushbu holat yuzasidan tergovga qadar tekshiruv harakatlari olib borilmoqda.
Izoh (0)