O‘zbekistonda faoliyat ko‘rsatayotgan korxona va tashkilotlar soni 565 mingtadan ortiqni tashkil etdi

O‘zbekistonda 2022-yilning 1-avgust holatiga ko‘ra jami faoliyat ko‘rsatayotgan korxona va tashkilotlar (fermer va dehqon xo‘jaliklarisiz) soni 565 982 tani tashkil etgan. Bu haqda Davlat statistika qo‘mitasi xabar qildi.

Qayd etilishicha, ko‘rsatkich o‘tgan yilning mos davri bilan solishtirilganda 8,8 foizga oshgan. Shuningdek, 88,7 foizini (501 768 tani) tadbirkorlik subyektlari tashkil etgan.

Hududlar kesimida faoliyat ko‘rsatayotgan korxona va tashkilotlar soni quyidagi ko‘rinishda joylashgan:

• Toshkent shahrida – 112 645 ta;
• Toshkent viloyatida – 53 109 ta;
• Samarqand viloyatida – 51 564 ta;
• Farg‘ona viloyatida – 49 866 ta;
• Andijon viloyatida – 43 428 ta;
• Qashqadaryo viloyatida – 39 908 ta;
• Namangan viloyatida – 35 064 ta;
• Buxoro viloyatida – 32 311 ta;
• Surxondaryo viloyatida – 30 168 ta;
• Xorazm viloyatida – 27 175 ta;
• Qoraqalpog‘iston – 25 300 ta;
• Jizzax viloyatida – 24 763 ta;
• Navoiy viloyatida – 24 059 ta;
• Sirdaryo viloyatida – 16 622 ta.