Andijonda ko‘p miqdordagi kuchli ta’sir etuvchi dori vositalarini olib ketayotgan fuqaro qo‘lga olindi. Bu haqda viloyat IIB axborot xizmati xabar berdi.
Andijon viloyati IIB JQB giyohvandlik vositalari bilan qonunga xilof ravishda muomala qilishga qarshi kurashish bo‘limi hamda boshqa huquqni muhofaza qiluvchi organlar hamkorligida Xo‘jaobod tumanida tezkor tadbirlar o‘tkazilgan.
Xususan, Shahrixon tumanida yashovchi erkak fuqaro I.I. boshqaruvida bo‘lgan, oq rangli Nexia-3 Xo‘jaobod tumani hududida joylashgan avtomobil bozori yaqinida to‘xtatilgan. Mashina ko‘zdan kechirilganida orqa o‘rindiqda bo‘lgan qopda 560 dona “Regapen” va 759 dona “Tropikamid” nomli jami qiymati 55 million so‘mni tashkil qilgan kuchli ta’sir etuvchi dori vositalari borligi aniqlangan.
Hozirda ushbu holat yuzasidan Xo‘jaobod tumani IIB tomonidan dastlabki surishtiruv ishlari olib borilmoqda.
Izoh (0)