Toshkent shahrida bo‘lib o‘tayotgan Shanxay hamkorlik tashkilotiga a’zo davlatlar ichki ishlar va jamoat xavfsizligi vazirlari Kengashi doirasida 18-avgust kuni O‘zbekiston Respublikasi Ichki ishlar vaziri, general-leytenant Po‘lat Bobojonov va Qozog‘iston Respublikasi Ichki ishlar vaziri, politsiya general-leytenanti Marat Axmetjanov o‘rtasida ikki tomonlama uchrashuv tashkil etildi. Bu haqda IIV axborot xizmati xabar qildi.
Qayd etilishicha, uchrashuv va muzokaralar chog‘ida jinoyatga qarshi kurashish sohasida, ayniqsa, transchegaraviy xarakterdagi jinoyatlarga qarshi kurashishda hamkorlikni rivojlantirish istiqbollari masalalari muhokama qilingan.
Uchrashuvda zamonaviy dunyoning jinoyat turlari, xususan, axborot sohasidagi jinoyatchilik, terrorizm va ekstremizm, noqonuniy migratsiya, narkotik va qurol-yarog‘ sadosi, odam savdosi kabi jinoyatlarni hisobga olgan holda hamkorlikni kengaytirish zarurligi belgilangan.
Uchrashuv natijalari, shuningdek, tomonlarning takliflari yakuniy bayonnomada qayd etilgan.
Izoh (0)