Тошкент шаҳрида бўлиб ўтаётган Шанхай ҳамкорлик ташкилотига аъзо давлатлар ички ишлар ва жамоат хавфсизлиги вазирлари Кенгаши доирасида 18 август куни Ўзбекистон Республикаси Ички ишлар вазири, генерал-лейтенант Пўлат Бобожонов ва Қозоғистон Республикаси Ички ишлар вазири, полиция генерал-лейтенанти Марат Ахметжанов ўртасида икки томонлама учрашув ташкил этилди. Бу ҳақда ИИВ ахборот хизмати хабар қилди.
Қайд этилишича, учрашув ва музокаралар чоғида жиноятга қарши курашиш соҳасида, айниқса, трансчегаравий характердаги жиноятларга қарши курашишда ҳамкорликни ривожлантириш истиқболлари масалалари муҳокама қилинган.
Учрашувда замонавий дунёнинг жиноят турлари, хусусан, ахборот соҳасидаги жиноятчилик, терроризм ва экстремизм, ноқонуний миграция, наркотик ва қурол-яроғ садоси, одам савдоси каби жиноятларни ҳисобга олган ҳолда ҳамкорликни кенгайтириш зарурлиги белгиланган.
Учрашув натижалари, шунингдек, томонларнинг таклифлари якуний баённомада қайд этилган.
Изоҳ (0)