Bugun,

  • USD 11095.31
  • RUB 173.84
  • EUR 10772.44

Joriy yil 16—17-avgust kunlari O‘zbekistonning Shanxay hamkorlik tashkilotiga raisligi doirasida Toshkent shahrida SHHTning II Iqtisodiy forumi bo‘lib o‘tadi, deb xabar bermoqda Dunyo axborot agentligi.

Foto: “Daryo” / Madina Nurman

Foto: “Daryo” / Madina Nurman

Investitsiyalar va tashqi savdo vazirligi (ITSV) xabariga ko‘ra, forumda ishtirokchilar o‘zaro manfaatli savdo-iqtisodiy, investitsiyaviy va madaniy-gumanitar hamkorlikni rivojlantirish masalalarini muhokama qiladi, shu bilan birga SHHT makonida aloqalarni kengaytirish bo‘yicha amaliy chora-tadbirlar ishlab chiqadi.

Tadbirlarda, shuningdek, yalpi majlislar, sho‘ba sessiyalari, ikki tomonlama uchrashuvlar, “B2B” muzokaralari bo‘lib o‘tadi. Forumning tadbirlarga boy kun tartibida raqamli iqtisodiyot, “yashil” texnologiyalar, hududlararo hamkorlik, investitsiyaviy va sanoat kooperatsiyasini kengaytirish, shuningdek, boshqa ustuvor yo‘nalishlardagi sheriklik salohiyatini ochib berilishi kutilmoqda.

SHHT Iqtisodiy forumi nafaqat hukumatlararo muloqotni yo‘lga qo‘yish, balki ishbilarmon doiralar va korxonalar vakillarining o‘zaro hamkorligi, shuningdek, SHHT makonidagi hududlarga investorlarni jalb etish uchun samarali platformaga aylanishi ko‘zda tutilgan.

Ma’lumot o‘rnida, birinchi forum 2021-yilning 23—24-iyun kunlari Dushanbe shahrida bo‘lib o‘tgan.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Mahalliy
O‘zbekistonda pomidor narxi barqarorlashdi