2022—2023-yil kuz-qish mavsumida namoyish etilishi kutilayotgan yangi turk seriallari (foto)

2022—2023-yilgi asosiy mavsum uchun barcha loyihalar allaqachon e’lon qilingan, ularning aksariyati suratga olish ishlarini boshlagan. Yozgi ta’tilga chiqqan seriallar keyingi mavsumda ekranlarga qaytishi hisobga olinsa, yangi loyihalar soni shunchaki hayratlanarli, deb yozadi “Yandeks Dzen”.

Ko‘pgina kanallar bir nechta seriallarni taqdim etgandan keyin ularning hammasi ham marraga yetib boravermaydi. Bunday keskin raqobatda tomoshabinning muhabbati va reyting katta rol o‘ynaydi.

Yangi mavsumda FOX telekanali 3 ta loyihani taqdim etadi.

“Badavlat qiz”

Taxminiy premyera 2022-yil sentyabr, suratga olish 19-avgustdan boshlanadi. Serial Medyapim kinokompaniyasi tomonidan suratga olinadi, u hayotini o‘zgartirishni va ijtimoiy jihatdan ko‘tarilishni orzu qilgan yosh qiz haqida hikoya qiladi. Bosh rollarda: Alina Boz, Emir Tekin, shuningdek, loyihada Tyulin Eje, Kadir Jermik, Baran Bolyukboshi, Hazal Filiz Kuchukkose, Nazan Kesal, Mutava Mert Koch ishtirok etmoqda. Suratga olish boshlanishidan oldin serial nomini o‘zgartirdi, endi u “Badavlat qiz” deb nomlanadi. Va bu oxirgi tanlov emas, u chiqariladigan vaqtga kelib, loyiha nomi yana o‘zgartirilishi mumkin.

“Mening ismim Farah”

Premyeraning taxminiy sanasi — 2022-yil oktabr, aktyorlar tarkibi saralanmoqda. Bu Argentinaning mashhur “Farrosh” teleserialining remeyki bo‘lib, u o‘g‘lining hayotini saqlab qolish uchun jinoyat olamiga kirib, mafiya ichida farroshlik qiladigan shifokor ayol haqida hikoya qiladi. Bosh rol ijrochisi Asli Enver.

“Mukammal ijarachi”

Premyeraning taxminiy sanasi 2022-yil sentabr. Sujet uy-joyni ijaraga olishga majbur bo‘lgan odamlar haqida hikoya qiladi va iqtisodiy inqiroz tufayli ijara haqi keskin oshadi. Bu esa ko‘p qavatli uy aholisi uchun juda ko‘p muammolarni keltirib chiqaradi. Bosh qahramonlar — yosh jurnalist Mona va Tasviriy san’at universitetining fotografiya fakultetini tamomlagan fotograf Yakup. Ularni Chichek Dilan Deniz va Serkay Tutunju ijro etadi.

“Yorug‘lik nuri”

Dastlabki chiqish sanasi — 2022-yil sentabr. Suratga olish ishlari allaqachon boshlangan. Ular Italiya va Turkiyada o‘tkaziladi. Ba’zida hayotdagi eng og‘ir fojiali voqealarning burilish nuqtasi va yorug‘lik nuriga aylanishi mumkinligini namoyish etadigan psixologik drama. Bosh rollarni Berk O‘ktay va Seray Kaya ijro etadi.

“Olov qushlari”

Premyera sanasi hali aniqlanmagan.“Olov qushlari” yangi loyihasi tomoshabinlarga uysiz bolalar hayotidan ta’sirli hikoya qiladi. Bolalarga keraksiz tashvishlarsiz, turar joy va ovqatni qayerdan topish haqida o‘ylamasdan yangi hayot topishga yordam berishni istaganlar haqida. Bosh rollarda Go‘rkem Sevindik va Bashak Gumuljineliog‘luni ko‘rish mumkin.

“Men bu dunyoga sig‘mayman”

Taxminiy chiqarilish sanasi — 2022-yil sentabr, oktabr oylari. Serialni suratga olish ishlari allaqachon olib borilmoqda. Serial o‘z o‘limini uyushtirishga va mamlakatni tark etishga majbur bo‘lgan qahramonning ikki tomonlama hayoti haqida hikoya qiladi. Oilasi uni o‘lgan deb hisoblaydi va yillar davomida motam tutadi. Og‘ir yaralanganidan so‘ng u Firuze ismli shifokor ayol bilan uchrashadi va uni sevib qoladi. Ammo voqealar shunday rivojlanadiki, u Turkiyaga qaytishi kerak bo‘ladi. Bosh rollarda Oktay Kaynarja va Pelin Akilni ko‘rish mumkin.

“Sudya xonim / Mening baxtli oilam”

Chiqarilish sanasi 2022-yilning kuziga rejalashtirilgan. Serial huquq-tartibot idoralarida ishlayotgan ayol haqida hikoya qiladi. Bosh qahramon — kuchli irodali, halol va adolatli ayol. U adolatga bo‘lgan ishonchini sinaydigan va hayotini o‘zgartiradigan qiyinchilikka duch kelishi kerak. Bosh rolni Vahide Perchin ijro etgan.

“Agar shoh yutqazsa”

Avvaliga ushbu loyiha 2022-yil sentabr oyida boshlanishi haqida ma’lumot bor edi, keyin premyera qoldirilishi haqida xabarlar paydo bo‘ldi. Aktyorlar tarkibi hali ham saralanmoqda. Kivanch Tatlitug‘ bosh qahramon obrazida gavdalanadi. Serial sujeti boy hayotiy tajribaga ega inson – hayotda hamma narsa oson tuyilgan, unda takabburlik, o‘ziga ishonch kabi xislatlarni shakllantirgan Kenan haqida hikoya qilinadi. U ayollarning qalbini shafqatsizlarcha sindirib ketadi. Ammo to‘satdan uning o‘zi sevgilisini uchratib qoladi va o‘zining qalbini singan holda topadi. Ruhiy dardga o‘zi bardosh bera olmasligini anglagan Kenan psixoterapevtga murojaat qiladi, shundan so‘ng uning barcha qo‘rquvlari, ong ostidagi chuqur muammolari fosh bo‘ladi.

“Kechaning oxiri”

Dastlabki chiqish sanasi — 2022-yil sentabr. Suratga olish ishlari 8-avgust kuni boshlangan. Ushbu turkum Peride Jalolning xuddi shu nomdagi kitobiga moslashtirilgan. Sujet hayotning qiyinchiliklariga qaramay, o‘zi va qizi uchun baxtli hayot kechirishni orzu qilgan Majide ismli ayol haqida hikoya qiladi. Ammo muvaffaqiyatli biznesmen Kazim bilan kutilmagan uchrashuv unga yangi hissiy tajribalarni olib keladi: u bilan yashirin munosabatlar, Majide o‘zini ayblagan xotinining o‘limi, Kazimning oilasi bilan chalkash munosabatlar. Bosh rollarni Neslihan Atagul va Kadir Dog‘ulu ijro etadi.

“Lavandali koshona”

Aktyorlar tarkibi endigina saralanmoqda, serial premyerasi 2022-yil dekabr oyiga rejalashtirilgan. Ushbu dramatik serialning sujeti hozircha noma’lum. Birkan Sokullu bosh rol uchun kelishuvlar olib bormoqda.

“Chiqindi yig‘uvchi”

 Loyiha hali ham ishlab chiqilmoqda. Aktyorlar tarkibi tanlangan. Dastlabki chiqish sanasi — 2022-yil noyabr. Bu erkakning ayolga bo‘lgan cheksiz sevgisi haqida hikoya qiluvchi dramatik serial bo‘ladi. Bosh rollar uchun Uraz Kaygilarog‘lu va Elichin Sangu bilan kelishuv olib borilmoqda.

Show TV telekanali 3 ta loyihani taqdim etadi.

“Klyukvali sharbat”

Dastlabki chiqish sanasi — 2022-yil oktyabr. Loyihani suratga olish ishlari 10-sentabrda boshlanadi. Ikki qarama-qarshi oila farzandlari bir-birini sevib qolgani uchun bir to‘xtamga kelishlari kerak. Avvalroq aktyorlar tarkibida Evrim Alasya, Barish Qilich va Sila Turkog‘lu bor edi. Ammo Silaning partnyori kim ekanligi noma’lum.

“Yangi Istanbul”

Dastlabki chiqish sanasi — 2022-yil oktyabr. Bu bemorlarga pul sarflash orqali klinikada ishlash tamoyillarini o‘zgartirmoqchi bo‘lgan bosh shifokor va uning hamkasblarining og‘ir hayoti haqida hikoya qiluvchi hayajonli drama. Bosh qahramon rolini Ulash Tuna Astepe ijro etadi. Shuningdek, loyihaga O‘ngel Tansel, Erol Sherif, Xazar Erg‘uchlu kabi aktyorlarni taklif etish rejalashtirilgan.

“Qopqon”

Dastlabki chiqish sanasi — 2022-yil oktyabr. Tasvirga olish ishlari avgust oyida boshlangan. Sujet qasos olish bilan boshlanadi. Turkiyadagi eng yaxshi advokatlardan biri Umut rafiqasining o‘limida yirik kompaniya rahbari, mashhur tadbirkor Aslanni ayblaydi. Qasos olish uchun uning kompaniyasiga ishga kiradi, uni ichkaridan yo‘q qilishni va xotinining o‘limida aybdorni hayotdan mahrum qilishni orzu qiladi. Ammo Umut dushmanining qizi bilan uchrashib, uni sevib qolgan bir paytda hammasi o‘zgaradi.

“Osmon bolalari”

Bu Atike Hinchlerning mashhur “Singan yuraklar” kitobining filmga moslashuvi. Roman ichkilikka berilgan zo‘ravon erkak va hayotni asrab qolishga urinib, farzandlari uchun hamma narsaga chidagan ayolning hayoti haqida hikoya qiladi. Loyihaning sujeti qanday bo‘lishi hozircha noma’lum.

“Selma”

Dastlabki chiqish sanasi — 2022-yil oktabr. Kartina nomini o‘zgartirgan va endi “Go‘zal kunlar" deb nomlanadi. Bosh rollarda Olgun Toker va Zeynep Chamji. Sujet o‘z tamoyillari bo‘yicha yashaydigan va boshqalarning barcha to‘siqlari va intrigalariga qaramay, o‘z baxti uchun kurashishga intiladigan kuchli ayol haqida hikoya qiladi. Sirli odam bilan uchrashish uning hayotga qarashini ostin-ustun qiladi.