2022—2023 йил куз-қиш мавсумида намойиш этилиши кутилаётган янги турк сериаллари (фото)

2022—2023 йилги асосий мавсум учун барча лойиҳалар аллақачон эълон қилинган, уларнинг аксарияти суратга олиш ишларини бошлаган. Ёзги таътилга чиққан сериаллар кейинги мавсумда экранларга қайтиши ҳисобга олинса, янги лойиҳалар сони шунчаки ҳайратланарли, деб ёзади «Яндекс Дзен».

Кўпгина каналлар бир нечта сериалларни тақдим этгандан кейин уларнинг ҳаммаси ҳам маррага етиб боравермайди. Бундай кескин рақобатда томошабиннинг муҳаббати ва рейтинг катта рол ўйнайди.

Янги мавсумда FOX телеканали 3 та лойиҳани тақдим этади.

«Бадавлат қиз»

Тахминий премьера 2022 йил сентябр, суратга олиш 19 августдан бошланади. Сериал Medyapim кинокомпанияси томонидан суратга олинади, у ҳаётини ўзгартиришни ва ижтимоий жиҳатдан кўтарилишни орзу қилган ёш қиз ҳақида ҳикоя қилади. Бош ролларда: Алина Боз, Эмир Текин, шунингдек, лойиҳада Тюлин Эже, Кадир Жермик, Баран Болюкбоши, Ҳазал Филиз Кучуккосе, Назан Кесал, Мутава Мерт Коч иштирок этмоқда. Суратга олиш бошланишидан олдин сериал номини ўзгартирди, энди у «Бадавлат қиз» деб номланади. Ва бу охирги танлов эмас, у чиқариладиган вақтга келиб, лойиҳа номи яна ўзгартирилиши мумкин.

«Менинг исмим Фараҳ»

Премьеранинг тахминий санаси — 2022 йил октябрь, актёрлар таркиби сараланмоқда. Бу Аргентинанинг машҳур «Фаррош» телесериалининг ремейки бўлиб, у ўғлининг ҳаётини сақлаб қолиш учун жиноят оламига кириб, мафия ичида фаррошлик қиладиган шифокор аёл ҳақида ҳикоя қилади. Бош рол ижрочиси Асли Энвер.

«Мукаммал ижарачи»

Премьеранинг тахминий санаси 2022 йил сентябрь. Сюжет уй-жойни ижарага олишга мажбур бўлган одамлар ҳақида ҳикоя қилади ва иқтисодий инқироз туфайли ижара ҳақи кескин ошади. Бу эса кўп қаватли уй аҳолиси учун жуда кўп муаммоларни келтириб чиқаради. Бош қаҳрамонлар — ёш журналист Мона ва Тасвирий санъат университетининг фотография факультетини тамомлаган фотограф Якуп. Уларни Чичек Дилан Дениз ва Серкай Тутунжу ижро этади.

«Ёруғлик нури»

Дастлабки чиқиш санаси — 2022 йил сентябрь. Суратга олиш ишлари аллақачон бошланган. Улар Италия ва Туркияда ўтказилади. Баъзида ҳаётдаги энг оғир фожиали воқеаларнинг бурилиш нуқтаси ва ёруғлик нурига айланиши мумкинлигини намойиш этадиган психологик драма. Бош ролларни Берк Ўктай ва Серай Кая ижро этади.

«Олов қушлари»

Премьера санаси ҳали аниқланмаган.«Олов қушлари» янги лойиҳаси томошабинларга уйсиз болалар ҳаётидан таъсирли ҳикоя қилади. Болаларга кераксиз ташвишларсиз, турар жой ва овқатни қаердан топиш ҳақида ўйламасдан янги ҳаёт топишга ёрдам беришни истаганлар ҳақида. Бош ролларда Гўркем Севиндик ва Башак Гумулжинелиоғлуни кўриш мумкин.

«Мен бу дунёга сиғмайман»

Тахминий чиқарилиш санаси — 2022 йил сентябрь, октябрь ойлари. Сериални суратга олиш ишлари аллақачон олиб борилмоқда. Сериал ўз ўлимини уюштиришга ва мамлакатни тарк этишга мажбур бўлган қаҳрамоннинг икки томонлама ҳаёти ҳақида ҳикоя қилади. Оиласи уни ўлган деб ҳисоблайди ва йиллар давомида мотам тутади. Оғир яраланганидан сўнг у Фирузе исмли шифокор аёл билан учрашади ва уни севиб қолади. Аммо воқеалар шундай ривожланадики, у Туркияга қайтиши керак бўлади. Бош ролларда Октай Кайнаржа ва Пелин Акилни кўриш мумкин.

«Судья хоним / Менинг бахтли оилам»

Чиқарилиш санаси 2022 йилнинг кузига режалаштирилган. Сериал ҳуқуқ-тартибот идораларида ишлаётган аёл ҳақида ҳикоя қилади. Бош қаҳрамон — кучли иродали, ҳалол ва адолатли аёл. У адолатга бўлган ишончини синайдиган ва ҳаётини ўзгартирадиган қийинчиликка дуч келиши керак. Бош ролни Ваҳиде Перчин ижро этган.

«Агар шоҳ ютқазса»

Аввалига ушбу лойиҳа 2022 йил сентябрь ойида бошланиши ҳақида маълумот бор эди, кейин премьера қолдирилиши ҳақида хабарлар пайдо бўлди. Актёрлар таркиби ҳали ҳам сараланмоқда. Киванч Татлитуғ бош қаҳрамон образида гавдаланади. Сериал сюжети бой ҳаётий тажрибага эга инсон – ҳаётда ҳамма нарса осон туйилган, унда такаббурлик, ўзига ишонч каби хислатларни шакллантирган Кенан ҳақида ҳикоя қилинади. У аёлларнинг қалбини шафқатсизларча синдириб кетади. Аммо тўсатдан унинг ўзи севгилисини учратиб қолади ва ўзининг қалбини синган ҳолда топади. Руҳий дардга ўзи бардош бера олмаслигини англаган Кенан психотерапевтга мурожаат қилади, шундан сўнг унинг барча қўрқувлари, онг остидаги чуқур муаммолари фош бўлади.

«Кечанинг охири»

Дастлабки чиқиш санаси — 2022 йил сентябрь. Суратга олиш ишлари 8 август куни бошланган. Ушбу туркум Периде Жалолнинг худди шу номдаги китобига мослаштирилган. Сюжет ҳаётнинг қийинчиликларига қарамай, ўзи ва қизи учун бахтли ҳаёт кечиришни орзу қилган Мажиде исмли аёл ҳақида ҳикоя қилади. Аммо муваффақиятли бизнесмен Казим билан кутилмаган учрашув унга янги ҳиссий тажрибаларни олиб келади: у билан яширин муносабатлар, Мажиде ўзини айблаган хотинининг ўлими, Казимнинг оиласи билан чалкаш муносабатлар. Бош ролларни Неслиҳан Атагул ва Кадир Доғулу ижро этади.

«Лавандали кошона»

Актёрлар таркиби эндигина сараланмоқда, сериал премьераси 2022 йил декабрь ойига режалаштирилган. Ушбу драматик сериалнинг сюжети ҳозирча номаълум. Биркан Сокуллу бош рол учун келишувлар олиб бормоқда.

«Чиқинди йиғувчи»

 Лойиҳа ҳали ҳам ишлаб чиқилмоқда. Актёрлар таркиби танланган. Дастлабки чиқиш санаси — 2022 йил ноябрь. Бу эркакнинг аёлга бўлган чексиз севгиси ҳақида ҳикоя қилувчи драматик сериал бўлади. Бош роллар учун Ураз Кайгилароғлу ва Эличин Сангу билан келишув олиб борилмоқда.

Show TV телеканали 3 та лойиҳани тақдим этади.

«Клюквали шарбат»

Дастлабки чиқиш санаси — 2022 йил октябр. Лойиҳани суратга олиш ишлари 10 сентябрда бошланади. Икки қарама-қарши оила фарзандлари бир-бирини севиб қолгани учун бир тўхтамга келишлари керак. Аввалроқ актёрлар таркибида Эврим Алася, Бариш Қилич ва Сила Туркоғлу бор эди. Аммо Силанинг партнёри ким эканлиги номаълум.

«Янги Истанбул»

Дастлабки чиқиш санаси — 2022 йил октябр. Бу беморларга пул сарфлаш орқали клиникада ишлаш тамойилларини ўзгартирмоқчи бўлган бош шифокор ва унинг ҳамкасбларининг оғир ҳаёти ҳақида ҳикоя қилувчи ҳаяжонли драма. Бош қаҳрамон ролини Улаш Туна Астепе ижро этади. Шунингдек, лойиҳага Ўнгел Тансел, Эрол Шериф, Хазар Эрғучлу каби актёрларни таклиф этиш режалаштирилган.

«Қопқон»

Дастлабки чиқиш санаси — 2022 йил октябр. Тасвирга олиш ишлари август ойида бошланган. Сюжет қасос олиш билан бошланади. Туркиядаги энг яхши адвокатлардан бири Умут рафиқасининг ўлимида йирик компания раҳбари, машҳур тадбиркор Асланни айблайди. Қасос олиш учун унинг компаниясига ишга киради, уни ичкаридан йўқ қилишни ва хотинининг ўлимида айбдорни ҳаётдан маҳрум қилишни орзу қилади. Аммо Умут душманининг қизи билан учрашиб, уни севиб қолган бир пайтда ҳаммаси ўзгаради.

«Осмон болалари»

Бу Атике Ҳинчлернинг машҳур «Синган юраклар» китобининг фильмга мослашуви. Роман ичкиликка берилган зўравон эркак ва ҳаётни асраб қолишга уриниб, фарзандлари учун ҳамма нарсага чидаган аёлнинг ҳаёти ҳақида ҳикоя қилади. Лойиҳанинг сюжети қандай бўлиши ҳозирча номаълум.

«Селма»

Дастлабки чиқиш санаси — 2022 йил октябрь. Картина номини ўзгартирган ва энди «Гўзал кунлар" деб номланади. Бош ролларда Олгун Токер ва Зейнеп Чамжи. Сюжет ўз тамойиллари бўйича яшайдиган ва бошқаларнинг барча тўсиқлари ва интригаларига қарамай, ўз бахти учун курашишга интиладиган кучли аёл ҳақида ҳикоя қилади. Сирли одам билан учрашиш унинг ҳаётга қарашини остин-устун қилади.