Farg‘ona viloyatining Marg‘ilon shahrida sodir bo‘lgan yo‘l-transport hodisasi oqibatida bir kishi halok bo‘ldi. Bu haqda “Daryo”ga viloyat IIB YHXB axborot xizmati ma’lum qildi.
2022-yilning 15-avgust kuni soat taxminan 22:30 larda Marg‘ilon shahar, “Yormado‘z” MFY, Alisher Navoiy ko‘chasidan o‘tgan 4R-140 Marg‘ilon—Quva avtomobil yo‘lining 9-kilometrida 1994-yilda tug‘ilgan O.A. Nexia rusumli avtomashinasini boshqarib ketayotib, 1999-yilda tug‘ilgan M.B. boshqaruvida bo‘lgan Cobalt avtomashinasi bilan to‘qnashuv sodir etgan.
Dastlabki ma’lumotlarga ko‘ra, Nexia O.A. ko‘rsatilgan tibbiy muolajalarga qaramasdan tongi soat 05:30 larda shifoxonada vafot etgan.
Mazkur holat yuzasidan, Marg‘ilon shahar IBB Tergov bo‘limi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan.
Izoh (0)