Toshkentda pul ichida giyohvand modda yashirgan haydovchi aniqlandi

Toshkent shahri Yangihayot tumanida yonida giyohvand modda olib yurgan shaxs aniqlandi.

2022-yil 14-avgust kuni soat 20:45 larda, Yangihayot tumanida joylashgan “A.Turbanov” YPX maskanida xizmat olib borayotgan YPX xodimlari katta inspektor kapitan M.Tulaganov va inspektor kichik serjant G‘.G‘ofurovlar tomonidan, Toshkent viloyatidan poytaxtga kirib kelayotgan Cobalt to‘xtatilgan.

Xolislar ishtirokida tekshirilganda, avtoulov yo‘lovchisi, 1997-yilda tug‘ilgan E.U. ning yonidan 1000 so‘mlik pul kupyurasiga o‘ralgan, jigar rangli, o‘tkir hidli, quritilgan o‘simlik moddasi hamda selofan parchasiga o‘ralgan, jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro E.U. va aniqlangan moddalar Yangihayot tumani IIO FMBga topshirilgan.