“Jabrlangan va jarohatlanganlar yo‘q”. Ko‘kdala hokimligi hokim kubogidagi to‘polon yuzasidan qo‘shimcha ma’lumot berdi

Ko‘kdala tumani hokimligi hokim kubogi paytida sodir bo‘lgan to‘polon masalasida munosabat bildirib, vaziyatga aniqlik kiritdi.

“Ko‘kdala tumanidagi hokim kubogida sodir bo‘lgan holat bo‘yicha surishtiruv ishlari olib borilmoqda. Voqea sabab jabrlangan va jarohatlanganlar yo‘q. Holat tegishli tashkilotlar nazoratiga olingan bo‘lib, tez orada qo‘shimcha ma’lumot beriladi”, — deyiladi hokimlik munosabatida.

Ko‘kdala tumani hokimligi axborot xizmatining qo‘shimcha qilishicha, Qamashi tumanida tashkil etilgan DXX kubogida ham shunday to‘polon yuz bergan.

“Mazkur videotasvir aslida Ko‘kdala tumanida emas, avvalroq Qamashi tumanida tashkil etilgan DXX kubogidagi janjal videosi bo‘lib, buni Ko‘kdala tumanidagi hokim kubogi o‘yinlariga aloqasi yo‘q. Ijtimoiy tarmoq faollaridan ma’lumot tarqatayotganda aniqlik kiritib, keyin tarqatishlarini so‘ragan bo‘lar edik”, — deyiladi hokimlik axborot xizmati munosabatida.