Qashqadaryo viloyatining Ko‘kdala tumanida hokim kubogi musobaqasida to‘polon kelib chiqdi. Viloyat IIBning ma’lumot berishicha, holat yuzasidan surishtiruv ishlari boshlangan.
Ijtimoiy tarmoqlarda tarqalgan videoda dastlab bir o‘yinchi boshqa bir o‘yinchiga musht tushirgani va ularning do‘pposlashishi, shuningdek, boshqa bir kishining aynan o‘sha o‘yinchiga qo‘l ko‘tarishi ortidan to‘polon kelib chiqqanini ko‘rish mumkin.
Viloyat IIBning aniqlik kiritishicha, voqea viloyatning Ko‘kdala tumanida, hokim kubogi musobaqasida sodir bo‘lgan.
“Uchastkavoyni chaqir, uchastkavoyni, Balandchayla o‘tir joyingga”, — deydi urush-janjal qilayotganlarga murojaat qilgan kishi.
Voqeaning davomi ekani aytilgan ikkinchi videoda esa, voqeaga hakamning adolatsizlik qilgani, u Ko‘kdala tumanidan bo‘lgani uchun ko‘kdalaliklarga yon bosgani aytiladi. Shuningdek, videoda bir o‘yinchini bir necha kishi quvlab yetgani va tepkilaganini ko‘rish mumkin.
Viloyat IIB holat yuzasidan qo‘shimcha ma’lumot berilishini bildirgan.
Izoh (0)