Oliy va o‘rta maxsus ta’lim vaziri Abduqodir Toshqulov Samaraqand davlat universiteti va Transport universitetida ikkinchi bosqichgacha o‘qib, fanlarni yaxshi o‘zlashtira olmagan talabalarga texnikum diplomi berilishini aytdi.
Abduqodir Toshqulovning ta’kidlashicha, oliy ta’limda o‘qitish bo‘yicha yangi tizim joriy etish ishlari boshlangan.
“Chet elda bakalavriat bosqichini tugatuvchilar 70 foizga ham bormaydi. Ya’ni ular o‘qishni bitira olmaydi. Bu tizim O‘zbekistonda ham joriy qilina boshlandi.
Oliy ta’limga endi chidash kerak. Hozirda ikkita oliy ta’lim muassasasi – Samaraqand davlat universiteti va Transport universitetida eskperiment o‘tkazilmoqda.
Bunda ikkinchi bosqichgacha o‘qib, fanlardan qarz bo‘lib qolgan, murakkab mutaxassislik fanlarini o‘zlashtirishga qiynala boshlagan talabalarga texnikum diplomi beriladi.
Ularga: “birodar, siz shu texnikum diplomi bilan juda ko‘p natijalarga erishasiz. Lekin bizda keyingi bosqichga bora olmaysiz”, deyiladi.
Xohlasa, texnikum diplomi berib kuzatiladi. Bo‘lmasa, kurslardan qolib-qolib ketaveradi. Faqat bizda qoldi 4 yilda diplom olish tizimi.
Dunyoda unday emas. Bakalavriatda 6-8 yillab, hatto 10 yilgacha o‘qib keyin diplom olishadi. Qarzdor bo‘ldimi, qayta o‘qiydi. O‘qiganda ham qayta pul to‘lab o‘qiydi”, – dedi vazir.
Avvalroq Abduqodir Toshqulov oliy ta’lim muassasalarining magistratura yo‘nalishiga kirish uchun nega chet tili sertifikati talab etilayotganiga izoh bergandi.
Izoh (0)