Bugun,

  • USD 11095.31
  • RUB 173.84
  • EUR 10772.44

Joriy yildan boshlab oliy ta’lim muassasalarining magistratura yo‘nalishiga kirish uchun chet tili sertifikati talab etilmoqda. Sertifikat va zarur hujjatlari bo‘lsa, talabgor imtihonsiz magistrantga aylanadi. Oliy va o‘rta maxsus ta’lim vaziri Abduqodir Toshqulov ko‘pchilikda norozilik uyg‘otgan mazkur qarorga izoh berib, xorijiy til sertifikati nima uchun talab etilayotgani haqida gapirdi.

Abduqodir Toshqulov

Abduqodir Toshqulov
Foto:“Daryo”

Abduqodir Toshqulovning aytishicha, oliy ta’limda sifat bo‘lishi uchun chet tillarini bilishi muhim.

“Bu yil magistraturaga kvotalar soni 16 mingta bo‘lsa, 11 mingtaga yaqin hujjat topishirildi. Qabullar esa bir yilda ikki marta o‘tkaziladi. Ko‘pchilik san’at yoki sport sohasidagilarga chet tili nega kerak deydi. Agar Ravshan Ermatov ingliz tilini mukammal bilmaganida, xalqaro toifadagi referi bo‘la olmas edi. Albatta, professionalizm ham bor, lekin til ham muhim.

Hozirgi olimlarimiz rus tilidan foydalanadi. Lekin kelajak olimlari ingliz tilidagi bazadan foydalanishga majbur. Bu masalani muhokama qilayotgan odamlar bilishi kerakki, davlat va jamiyat bolalarga dars beradigan ustoz kuchli bilimga ega bo‘lishini xohlamoqda. Magistratura har kim ham o‘qiy oladigan joy emas. Oliy ta’limda sifat bo‘lishi uchun qanaqa sohada ishlashidan qat’i nazar, kerak bo‘lsa, fransuz, ispan, fors tilini ham bilishi kerak. O‘rgansin.

7,5 ballik chet tili sertifikatiga ega bolaga umuman xorijiy til sertifikati bo‘lmagan o‘qituvchi qanday dars beradi? U ustozidan ko‘p va yangi ma’lumotlarga egaku. Unda mukammalroq bilim bo‘lsa, o‘qituvchi darsga kirib unga nimani gapiradi? Shuning uchun bu talab ayni vaqtida qilindi. Shu paytgacha tizim ixtiyoriy qilib qo‘yildi, o‘zgarish juda ham kam bo‘ldi. Hozir magistraturada korrupsiya 100 foiz yo‘q. Sertifikat bilan hujjatlar qabul qilinadi. Diplomining o‘rtacha balli hisoblanadi va abituriyent inson omilisiz magistraturaga qabul qilinadi”, – dedi vazir.

Avvalroq Abduqodir Toshqulov magistratura qabuliga topshirilayotgan chet tili sertifikatlarining 70 foizi soxta bo‘lib chiqayotganini aytgandi.

Izoh

Umrbek Xudayorovich

29.09.2022, 07:43

Til sertifikati haqqoniy ish bo'ldi. Bunga qo'shilamiz. Ammo, nega spes(o'z sohasiga doir) fanlardan imtihon olish bekor qilindi? Hozir o'zbek universitet institutlarida pul yoki tanish-bilish bilan 3 ni 4 yoki 5 qilish qiyin narsa emas. Diplom ballari studentni haqiqiy bilimini baholay oladimi? Shuni o'ylash kerak. Xuddiki, bu muammoga ko'z yumilmoqda. "Magistratura harkim o'qiy oladigan joy emas!"

Asosiy yangiliklar
Mahalliy
Toshkentda 12 yoshli qizning murdasi zo‘rlik va qotillik alomatlari bilan topildi
Mahalliy
Andijondagi zapravkada navbatsiz kirishga uringan haydovchi bir necha IIB xodimlari tomonidan ushlandi (video)
Iqtisodiyot
O‘zbekistonda narxlarning o‘sishi sur’ati yanvar oyida pasaya boshladi