Surxondaryo viloyati Sho‘rchi tumanida avtotransport vositalarini qayta jihozlab berishini va’da qilgan shaxs ushlandi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Ma’lum qilinishicha, Bosh prokuratura huzuridagi departamentning Sho‘rchi tumani bo‘limi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan. Unda fuqaro O.A. tadbirkor L.ga o‘zini IIB xodimi deb tanishtirib, uning 2 ta Damas hamda 1 ta “ZIL” avtotransport vositasini qayta jihozlash uchun hujjatlarni rasmiylashtirib berish evaziga 16 million so‘mini firibgarlik yo‘li bilan qo‘lga kiritgani aniqlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)