Олий ва ўрта махсус таълим вазири Абдуқодир Тошқулов Самарақанд давлат университети ва Транспорт университетида иккинчи босқичгача ўқиб, фанларни яхши ўзлаштира олмаган талабаларга техникум дипломи берилишини айтди.
Абдуқодир Тошқуловнинг таъкидлашича, олий таълимда ўқитиш бўйича янги тизим жорий этиш ишлари бошланган.
«Чет элда бакалавриат босқичини тугатувчилар 70 фоизга ҳам бормайди. Яъни улар ўқишни битира олмайди. Бу тизим Ўзбекистонда ҳам жорий қилина бошланди.
Олий таълимга энди чидаш керак. Ҳозирда иккита олий таълим муассасаси – Самарақанд давлат университети ва Транспорт университетида эскперимент ўтказилмоқда.
Бунда иккинчи босқичгача ўқиб, фанлардан қарз бўлиб қолган, мураккаб мутахассислик фанларини ўзлаштиришга қийнала бошлаган талабаларга техникум дипломи берилади.
Уларга: «биродар, сиз шу техникум дипломи билан жуда кўп натижаларга эришасиз. Лекин бизда кейинги босқичга бора олмайсиз», дейилади.
Хоҳласа, техникум дипломи бериб кузатилади. Бўлмаса, курслардан қолиб-қолиб кетаверади. Фақат бизда қолди 4 йилда диплом олиш тизими.
Дунёда ундай эмас. Бакалавриатда 6-8 йиллаб, ҳатто 10 йилгача ўқиб кейин диплом олишади. Қарздор бўлдими, қайта ўқийди. Ўқиганда ҳам қайта пул тўлаб ўқийди», – деди вазир.
Аввалроқ Абдуқодир Тошқулов олий таълим муассасаларининг магистратура йўналишига кириш учун нега чет тили сертификати талаб этилаётганига изоҳ берганди.
Изоҳ (0)