Surxondaryo viloyati Muzrabot tumanida 3 nafar folbin ayolga uning bolasi kasal ekani va davolay olishini aytib, pul hamda boshqa mulklarini olib ketdi. Bu haqda viloyat ichki ishlar boshqarmasi axborot xizmati ma’lum qildi.
Tuman IIB huzuridagi tergov bo‘linmasi xabariga ko‘ra, Qashqadaryo viloyatida yashovchilar — S.S., O.D. va Andijon viloyatida yashovchi Yu.B. 28-may kuni Muzrabot tumanining “Fayzobod” mahallasida yashovchi K.I.ning ishonchiga kirgan.
Uni “Farzandingiz og‘ir kasal, davolab beramiz”, deb aldagan. 500 ming so‘mlik Samsung J2 telefoni, 2,5 million so‘mlik bir juft tilla ziragi va 100 ming so‘m pulini olib ketgan. 4-avgust kuni folbin ayollarga nisbatan Jinoyat kodeksining 168-moddasi (firibgarlik) 2-qismi “b” bandi bilan jinoyat ishi qo‘zg‘atilgan.
Izoh (0)