Yevropaning 2021/22-yilgi mavsumdagi eng yaxshi o‘yinchisi va murabbiyi nomiga da’vogarlar e’lon qilindi

UEFA 2021/22-yilgi mavsum yakunlari bo‘yicha eng yaxshi futbolchi va murabbiy nomiga da’vogarlar ro‘yxatini e’lon qildi.

Eng yaxshi futbolchi nomiga “Real” hujumchisi Karim Benzema va madridliklar darvozaboni Tibo Kurtua, shuningdek, “Manchester Siti” yarim himoyachisi Kevin de Bryuyne da’vogarlik qilmoqda.

Eng yaxshi murabbiy bo‘lishga nomzodlar: Karlo Anchelotti (“Real”), Pep Gvardiola (“Manchester Siti”) va Yurgen Klopp (“Liverpul”).

O‘tgan mavsum eng yaxshi o‘yinchi nomiga “Chelsi” yarim himoyachisi Jorjinyo loyiq ko‘rilgan bo‘lsa, londonliklar ustozi Tomas Tuxel eng yaxshi murabbiy bo‘lgandi.

G‘oliblar nomi 25-avgust kuni bo‘lib o‘tadigan Chempionlar Ligasi qur’a tashlash marosimida e’lon qilinadi.