Xalqaro shaxmat federatsiyasi (FIDE) bosh direktori Emil Sutovskiy O‘zbekiston terma jamoasining Butunjahon shaxmat Olimpiadasidagi g‘alabasi haqida fikr bildirdi.
O‘zbekiston AQSHni ortda qoldirib, g‘alaba qozongani haqidaO‘zbekiston erkaklar terma jamoasi Hindistonda o‘tgan Butunjahon shaxmat Olimpiadasida 11 turda 19 ochko to‘plab (8 g‘alaba, 3 durang), oltin medalga ega chiqdi. Mazkur musobaqada o‘zbekistonliklar mag‘lubiyatga uchramagan yagona jamoa bo‘ldi.Bu juda katta yutuq, va albatta, kutilmagan holat. Biroq buni super sensatsiya demagan bo‘lardim. O‘tgan yiliyoq, Jahon Kubogida ham, rapid bo‘yicha chempionatda ham o‘zbekistonlik yosh shaxmatchilar kuchli raqiblariga qarshi munosib dona surayotgani ko‘rinib turgandi.
Shu bois shaxsan men uchun ular AQSH terma jamoasidan boshqa hech kimdan qolishmasdi, garchi a’zolarining reytingi baland bo‘lmasa-da. Besh nafar amerikaliklar uch nafari musobaqaga yuqori formada kelmagani ko‘rinib qoldi.
Shu tariqa raqobatchilar u qadar ko‘p emas edi, buning ustiga hech kim yorqin ko‘rinmadi. Masalan, o‘zim O‘zbekistonning g‘alabasini Olimpiada tugashiga to‘rt tur qolganda bashorat qilgandim: ozgina omad va O‘zbekiston haqiqatda chempionga aylandi. Bu juda ulkan va munosib g‘alaba!
Nodirbek Abdusattorov borasida
Nodirbek allaqachon super yulduzga aylangan. Eslatib o‘taman, u 2021-yilning oxirida Karlsen, Nepomnyashiy va barcha-barchani ortda qoldirib, rapid bo‘yicha chempionga aylangandi. Yosh avlod yetakchilarini ajratib ko‘rsatadigan bo‘lsak, u Olimpiadadagi mutlaq eng yaxshi natijani namoyish qildi. Yana Gukesh Dommarajani ham unutmaslik kerak.
Emil Sutovskiy, FIDE bosh direktori
Mavzuga doir:
Izoh (0)