“Roma” hujumchisi Eldor Shomurodov faoliyatini Turkiya chempionatida davom ettirishi mumkin.
RomaPress xabariga ko‘ra, “Trabzonspor” o‘zbekistonlik futbolchi borasida taklif bilan chiqqan. Turkiyaning amaldagi chempioni Shomurodovni ijaraga olmoqchi va buning uchun Rim jamoasiga 1 million yevro taklif qilgan.
Biroq rimliklar Shomurodovni to‘liq transfer qilmoqchi, shuningdek, sotib olish majburiyati bilan ijara variantini ham ko‘rib chiqishga tayyor.
Avvalroq “Bolonya” Shomurodovni sotib olish huquqi bilan ijaraga olishi va ayrim ko‘rsatkichlar qayd etiladigan bo‘lsa, bu huquq majburiyatga aylanishi haqida xabar qilingandi.
Shomurodov 2021-yilning yozgi transfer oynasida 18 million yevro evaziga “Jenoa”dan “Roma”ga o‘tgandi. U “bo‘rilar”safida jami 40 ta o‘yin o‘tkazib, beshta gol va oltita golli uzatma amalga oshirdi.
Eslatib o‘tamiz, ushbu yozda “Fotih Karagyumryuk” safiga o‘tgan Otabek Shukurov Turkiya chempionatida maydonga tushgan ilk o‘zbekistonlik futbolchiga aylangandi.
Mavzuga doir: Video: Rimda o‘zbekcha qo‘shiq sadolari ostida maydonga chiqib kelgan Eldor Shomurodov (video)
Izoh (0)