“Chelsi” hujumkor yarim himoyachisi Rahim Sterling “Manchester Siti”dan ketishi sabablari va yangi jamoasidagi maqsadlari haqida gapirdi.
Vaqtni ketkaza olmasdim. O‘z darajamni saqlab qolishim va yangi chorlovni qabul qilishim kerak edi. 17 yoshimdan beri boshlang‘ich tarkibda o‘ynab kelaman. Muntazam o‘ynamasdan faoliyatimning eng yuqori darajasiga chiqa olmasdim. Bunga yo‘l qo‘yolmasdim.27 yoshli futbolchi yozda “Manchester Siti” safidan “Chelsi”ga yo‘l oldi. Transfer bonuslar bilan birga hisoblaganda 50 million funtni tashkil qilishi xabar qilingandi.Xarakterim shunaqa, vaziyatni o‘zgartirish uchun kurashdim, ammo o‘xshamadi. Bori shu. “Chelsi”ga yo‘l olish shaxsiy maqsadlarim va oilamning xohishiga mos tushdi. Klub ketayotgan yo‘nalish menga yoqyapti.
“Chelsi” sovrinlar uchun kurashadi, bu jamoa faqat yaxshi tomonga o‘zgaryapti. Albatta, “Manchester Siti”da shuncha yilni o‘tkazganimdan keyin ketish og‘ir bo‘ldi. Bu klub bilan ko‘p xotiralar qoldi, u yerda ancha yoqimli damlarni o‘tkazganman.
Bir yildan ortiq maydonga muntazam tusholmadim. Bu vaqt ichida o‘zim haqimda ko‘p narsalarni bilib oldim. Harakatlarimni baholadim va vaziyatni o‘nglashga harakat qildim. Bu juda qiyin qaror bo‘ldi, biroq mening foydamga ishlaydigan qadam juda zarur edi.
O‘zimni xuddi uyga qaytgandek his qilyapman. Londondan ketganimga ancha bo‘lgandi, o‘shanda 14 yoki 15 yoshda edim.
Rahim Sterling, “Chelsi” futbolchisi
Izoh (0)