Davlat statistika qo‘mitasi ma’lumotlariga ko‘ra, 2022-yilning yanvar–iyun oylarida O‘zbekistonga qiymati 35,9 million dollarga teng bo‘lgan 60,6 million litr avtomobil benzini import qilindi.
O‘zbekiston 6 oyda eng ko‘p Rossiya (48,8 million litr) va Turkmanistondan (11,7 million litr) avtomobil benzinini import qilgan. 2022-yilning yanvar–iyun oylarida 562,7 ming tonna avtomobil benzini ishlab chiqarilgan.
Avtomobil benzini ishlab chiqarish hajmi 2021-yilning mos davri bilan solishtirilganda 1,8 foizga oshgan. 2022-yilda oylar kesimida ishlab chiqarilgan avtomobil benzini hajmi:
- yanvarda — 97,8 ming tonna;
- fevralda — 98,2 ming tonna;
- martda — 92,6 ming tonna;
- aprelda — 93,7 ming tonna;
- mayda — 92,7 ming tonna;
- iyunda — 87,7 ming tonna.
Izoh (0)