Қашқадарё вилояти Қарши туманида масжиддан телефон ўғирлаган шахс ушланди. Бу ҳақда вилоят ички ишлар бошқармаси ахборот хизмати маълум қилди.
Хабар қилинишича, «Қуйи Бешкент» МФЙда яшовчи Х.О. пешин номозини ўқиш учун масжидга бориб, деразага қўл телефонини қўйган. Номоз ўқиб бўлгач телефонини олмоқчи бўлганида унинг жойида йўқ экани маълум бўлган.
Ҳолат юзасидан Қарши шаҳри ИИО ФМБ ходимлари томонидан олиб борилган тезкор қидирув ҳаракатлари натижасида мазкур жиноятни Косон тумани «Муллали» МФЙда яшовчи Қ.И. содир этгани аниқланиб, ундан 1 дона телефон тегишли тартибда ҳужжатлаштириб олинди. Ҳозирда Қарши шаҳри ИИО ФМБ ТБ томонидан жиноят иши қўзғатилган.
Изоҳ (0)