Toshkent viloyati Qibray tumanida Nexia-3 ishtirokida YTH sodir bo‘ldi.
2022-yil 9-avgust kuni soat 17:00 larda Toshkent viloyati Qibray tumanida haydovchilik guvohnomasiga ega bo‘lmagan, 2002-yilda tug‘ilgan fuqaro F.X. Nexia-3 rusumli avtomobilda “Chinobod” MFY hududida, ichki yo‘lda harakatlanayotib boshqaruvni yo‘qotgan.
Keyin transport vositasi yo‘lning o‘ng tomonidagi xonadon oldida to‘xtab turgan Cobalt rusumli avtomobilga urilib, YTH sodir etgan.
Oqibatda haydovchi F.X. tan jarohati olib, shifoxonaga murojaat qilgan.
Mazkur YTH yuzasidan Qibray tumani IIB YHXB xodimlari tomonidan surishtiruv olib borilmoqda.