«Ўзбекнефтгаз»: «Мароқанд нефть базаси»нинг Булунғур ва Жомбой филиалларида 73 млрд 775 млн сўмлик талон-тарож ва камомад аниқланди

«Ўзбекнефтгаз» АЖ бошқаруви раиси Меҳриддин Абдуллаевнинг топшириғига асосан, тизимдаги корхоналарда молиявий ва комплаенс назорати йўналишида коррупция, иқтисодий жиноятларга қарши курашишга, уларга келгусида йўл қўйилишини олдини олишга қаратилган профилактик тадбирлар, ўрганишлар амалга оширилмоқда.

Хусусан, «Ўзбекнефтгаз» АЖ Молиявий ва комплаенс назорат департаменти ходимлари томонидан «Мароқанд нефть базаси» МЧЖда нефть маҳсулотларининг навбатдан ташқари инвентаризацияси ўтказилмоқда.

Ўрганишлар жараёнида Булунғур ва Жомбой филиалларида нефть маҳсулотлари инвентаризациядан ўтказилганда, вертикал пўлат сиғимларга (РВС) қасддан техник ўзгартириш киритиш ва қўлбола усулда сиғим ичига темир қувур жойлаштирилгани аниқланди. Тезкор маълумотларга кўра, Булунғур филиалида жами 22 125,3 миллион сўмлик 2 612,9 тонна нефть маҳсулотлари камомадига йўл қўйилганлиги ва катта миқдорда талон-тарож қилинганлиги ҳолати аниқланди. Жумладан:

• Аи-80 автобензинидан 18 340,4 миллион сўмлик 2 382,1 тонна;
• ЭКО маркали дизель ёқилғисидан 705,8 миллион сўмлик 44,1 тонна;
• ТДЛ-05 маркали дизель ёнилғисидан 1 752,1 миллион сўмлик 111,6 тонна;
• ТД-К5 евро маркали дизель ёқилғисидан 1327,0 миллион сўмлик 75,1 тонна.

• Аи-80 автобензини 18029,6 миллион сўмлик 2341,7 тонна;
• ЕВРО К-5 дизель ёнилғиси 81,7 миллион сўмлик 4,6 тонна;
• Дизель ёнилғиси 1516,3 миллион сўмлик 92,3 тонна;
• ЭКО дизель ёнилғиси 32022,1 миллион сўмлик 2002,5 тонна.

Аниқланган ҳолатларга ҳуқуқий баҳо бериш ва камомадларга йўл қўйган ходимларга нисбатан қонуний чора кўриш мақсадида, тўпланган ҳужжатлар Давлат хавфсизлик хизматига тегишли тартибда тақдим этилди.

Ўрганишлар жараёнида Булунғур филиали моддий жавобгар шахси Х.Л. жавобгарлигидаги нефть маҳсулотлари инвентаризациядан ўтказилганда, 7 та вертикал пўлат сиғимларга (РВС) қасддан техник ўзгартириш киритиш ва қўлбола усулда сиғим ичига темир қувур жойлаштирилгани ҳамда бунинг натижасида тезкор маълумотларга кўра жами 21 494,7 миллион сўмлик 2 573,5 тонна нефть маҳсулотлари камомадига йўл қўйилганлиги ва катта миқдорда талон-тарож қилинганлиги ҳолати аниқланган эди.

Эслатиб ўтамиз, «Мароқанд нефть базаси» МЧЖнинг хато-камчиликларга йўл қўйган жами 11 нафар масъул мансабдор шахслар билан тузилган меҳнат шартномалари бекор қилинган, 6 нафар ходимларга нисбатан интизомий жазо чоралари қўлланилган эди.

«Ўзбекнефтгаз» АЖ матбуот хизмати