Байден таътилга чиқди

АҚШ президенти Жо Байден Жанубий Каролинага таътил учун жўнаб кетди ва у ерда камида бир ҳафта дам олишни режалаштирмоқда, деб хабар қилди Reuters.

Агентлик маълумотларига кўра, президент сешанба (16 август) кунигача оиласи билан Kiaва оролида қолишни режалаштирган.

Kiaва хусусий пляжлари ва голф курорти билан машҳур, дея қайд этади Reuters.

Байден Жанубий Каролинага Эндрю ҳаво кучлари базасидан рафиқаси Жилл, ўғли Хантер ва унинг рафиқаси Мелисса Коэн, невараси Бо ҳамроҳлигида учиб кетди.

Бунгача Байден коронавирус инфекцияси тести мусбат чиққани учун икки ҳафта карантинда эди. Президентнинг даволовчи шифокори давлат раҳбарида бироз ҳолсизлик, қуруқ йўтал, томоқ оғриғи борлигини айтган, бироқ касаллик енгил кечганини ҳам таъкидлаган.

Умуман олганда, президент ҳозирда ўзини яхши ҳис қилмоқда. 7 август куни Байден иккинчи тестдан манфий кўрсатгич билан ўтди ва карантиндан чиққан.

Мавзуга доир: Америкаликларнинг деярли 40 фоизи Байден ва Трампнинг иккинчи муддатга қайта сайланишини истамайди