O‘zbekistonda investitsion salohiyat va biznes yuritish qulayligi bo‘yicha 14 ta hududning milliy reytingi shakllantirildi

AOKAda o‘tkazilgan brifingda Strategik rivojlanish agentligi axborot xizmati rahbari Manzura Hasanova tizimda 1- yarim yillikda amalga oshirilgan ishlar yuzasidan ma’lumot berdi.

Milliy reytingni ishlab chiqishda ma’lumotlar 2022-yil birinchi yarim yilligi davomida ikki mezon asosida to‘plandi:

Birinchisi – 105 ta ko‘rsatkich bo‘yicha hududlar investitsiya salohiyatini baholash uchun statistik ma’lumotlar tahlili qilindi. Mezonning reytingdagi ulushi 70 foizni tashkil etadi.

Ikkinchisi – ekspertlar fikrlari hamda tadbirkorlar o‘rtasida so‘rov o‘tkazish orqali biznes yuritishi qulayligini baholash. Bu mezonning reytingdagi ulushi 30 foizni tashkil etdi.

Bugungi kunga qadar jami 4 979 nafar tadbirkor bilan suhbat o‘tkazildi. Shundan, umumiy to‘plam bo‘yicha butun mamlakat bo‘ylab 3 394 nafar tadbirkor so‘rovdan o‘tkazildi.

Reyting joriy yilning 20-avgustda “Ochiq muloqot” tadbiri davomida e’lon qilinishi rejalashtirilgan.