АОКАда ўтказилган брифингда Стратегик ривожланиш агентлиги ахборот хизмати раҳбари Манзура Ҳасанова тизимда 1- ярим йилликда амалга оширилган ишлар юзасидан маълумот берди.
Миллий рейтингни ишлаб чиқишда маълумотлар 2022 йил биринчи ярим йиллиги давомида икки мезон асосида тўпланди:
Биринчиси – 105 та кўрсаткич бўйича ҳудудлар инвестиция салоҳиятини баҳолаш учун статистик маълумотлар таҳлили қилинди. Мезоннинг рейтингдаги улуши 70 фоизни ташкил этади.
Иккинчиси – экспертлар фикрлари ҳамда тадбиркорлар ўртасида сўров ўтказиш орқали бизнес юритиши қулайлигини баҳолаш. Бу мезоннинг рейтингдаги улуши 30 фоизни ташкил этди.
Бугунги кунга қадар жами 4 979 нафар тадбиркор билан суҳбат ўтказилди. Шундан, умумий тўплам бўйича бутун мамлакат бўйлаб 3 394 нафар тадбиркор сўровдан ўтказилди.
Рейтинг жорий йилнинг 20 августда «Очиқ мулоқот» тадбири давомида эълон қилиниши режалаштирилган.
Изоҳ (0)