Gollivudning taniqli aktrisasi Enn Xeteueyning Instagram’dagi sahifasiga ko‘z tashlansa, u tabiatga yaqinroq joyda yashashni afzal ko‘rishi ayon bo‘ladi. Albatta, uning ikki nafar farzandi uchun toza havo shunchaki zarur. Biroq bu aktrisaning boshqa ko‘chmas mulki yo‘q, degani emas. Wday nashri Enn Xeteueyning kamtarona dizayndagi 3,5 million dollarlik uyiga uyushtirilgan sayohat suratlari bilan bo‘lishdi.
Aktrisaning shinamgina uyi Nyu-Yorkdagi Markaziy bog‘dan bir necha qadam narida joylashgan. “Oskar” mukofotiga sazovor bo‘lgan aktrisa uyni 2016-yilda 2,55 million dollarga sotib olgan. Oradan yillar o‘tib, barcha o‘zgarishga hisobga olingan holda uy 3,5 million dollarga sotildi.
Ma’lum bo‘lishicha, besh xonali kvartira juda kamtarona jihozlangan. Uyning dizaynini yaratishda oddiylik hamda minimalistik dekoratsiyaga murojaat qilingan.
Kvartirada ikkita yotoq xona, ikkita hammom — biri qora, ikkinchisi tilla rang, mehmonxona bilan birlashtirilgan katta oshxona va ovqatlanish xonasiga osongina aylantirilishi mumkin bo‘lgan go‘zal teras mavjud.
Biroq binoning asosiy afzalligi arxitektura va dizayn, hatto Gollivud yulduziga tegishli bo‘lganligida ham emas. U Nyu-Yorkning eng mashhur tumanlaridan birida joylashgan. Kvartiraning bitta kamchiligi bor: ushbu yashash joyida uy hayvonini boqish qat’iyan man etiladi.
Izoh (0)