Голливуднинг таниқли актрисаси Энн Хетеуэйнинг Instagram’даги саҳифасига кўз ташланса, у табиатга яқинроқ жойда яшашни афзал кўриши аён бўлади. Албатта, унинг икки нафар фарзанди учун тоза ҳаво шунчаки зарур. Бироқ бу актрисанинг бошқа кўчмас мулки йўқ, дегани эмас. Wday нашри Энн Хетеуэйнинг камтарона дизайндаги 3,5 миллион долларлик уйига уюштирилган саёҳат суратлари билан бўлишди.
Актрисанинг шинамгина уйи Нью-Йоркдаги Марказий боғдан бир неча қадам нарида жойлашган. «Оскар» мукофотига сазовор бўлган актриса уйни 2016 йилда 2,55 миллион долларга сотиб олган. Орадан йиллар ўтиб, барча ўзгаришга ҳисобга олинган ҳолда уй 3,5 миллион долларга сотилди.
Маълум бўлишича, беш хонали квартира жуда камтарона жиҳозланган. Уйнинг дизайнини яратишда оддийлик ҳамда минималистик декорацияга мурожаат қилинган.
Квартирада иккита ётоқ хона, иккита ҳаммом — бири қора, иккинчиси тилла ранг, меҳмонхона билан бирлаштирилган катта ошхона ва овқатланиш хонасига осонгина айлантирилиши мумкин бўлган гўзал терас мавжуд.
Бироқ бинонинг асосий афзаллиги архитектура ва дизайн, ҳатто Голливуд юлдузига тегишли бўлганлигида ҳам эмас. У Нью-Йоркнинг энг машҳур туманларидан бирида жойлашган. Квартиранинг битта камчилиги бор: ушбу яшаш жойида уй ҳайвонини боқиш қатъиян ман этилади.
Изоҳ (0)