Yevropa yerosti omborlarida (UGS) gaz zaxiralari darajasi 70 foizdan oshdi, to‘ldirish darajasi yuqoriligicha qolmoqda. Bu haqda Gas Infrastructure Europe assotsiatsiyasiga tayanib, “TASS” xabar bermoqda.
Yevropa omborlaridagi gazning umumiy hajmi taxminan 70,8 milliard kub metrni tashkil qiladi.
Omborlarning eng yuqori darajasi hozir Portugaliya va Polshada — ular gaz zaxirasini mos ravishda 100 foiz va 99,1 foizga yetkazdi.
Gaz omborlari Germaniyada 69,9 foizga, Fransiyada 80,5 foizga, Italiyada 73,6 foizga, Bolgariyada 48,9 foizga, Daniyada 88,8 foizga, Vengriyada 52,6 foizga, Avstriyada 58,5 foizga to‘ldirilgan.
Yevropa Ittifoqi davlatlari 2022-2023 yillar qishiga qadar UGS obyektlarini kamida 80 foizga va keyingi qish mavsumlarida esa 90 foizga to‘ldirishga va’da bergan.
Biroq Yevropa mintaqadagi jazirama to‘lqinlar va Rossiyadan yetkazib berishning kamayishi fonida yangi energiya muammolariga duch kelmoqda.
Avvalroq gaz muammosi sabab Yevropa qiyin vaziyatda, biroq Rossiyada ahvol bundan ham yomonroqligi haqida xabar berilgandi.
Izoh (0)